11.09.2026 | 21:05
Փրկարարները Ալավերդիում 15 մետր խորությունից դուրս են բերել արգելափակված օտարերկրացուն
1 միլիոն 800 հազար դրամ՝ «Լավ էլի» բենդին շուրջ 30 րոպեանոց ելույթի համար
Քաղաքականություն
04.11.2025 | 19:11
Երևանի քաղաքապետարանը 1 միլիոն 800 հազար դրամ է վճարել «Լավ էլի» բենդին «Էրեբունի-Երևան 2807» միջոցառումների շրջանակում։ Այս մասին Factor.am-ը տեղեկանում է գնումների պետական համակարգից։
«Լավ էլի» բենդը ելույթ է ունեցել հոկտեմբերի 12-ին` «Դիանա Աբգար»-ի անվան զբոսայգու տարածքում տեղի ունեցած ռոք համերգի ընթացքում։ Պայմանագիրը, ըստ Armeps համակարգի, կնքվել է հոկտեմբերի 16-ին, այսինքն՝ միջոցառումից 4 օր անց։
Ելույթի տևողությունը պայմանագրով առնվազն 30 րոպե է սահմանված, իսկ երգացանկը համաձայնեցվել է պատվիրատուի՝ Երևանի քաղաքապետարանի հետ:
Նշենք, որ նույն ռոք համերգի ընթացքում «Բամբիռ» խմբին առնվազն 30 րոպե ելույթի համար Երևանի քաղաքապետարանը վճարել է երկու միլիոն դրամ։
Արփի Հակոբյան
