11.09.2026 | 21:05
Փրկարարները Ալավերդիում 15 մետր խորությունից դուրս են բերել արգելափակված օտարերկրացուն
Մի օր Մոնղոլիան էլ կարա ասի` ձեզ բան ունեմ ասելու. Փաշինյանը` Ալիևի հայտարարությունների մասին․ ՏԵՍԱՆՅՈՒԹ
Քաղաքականություն
04.11.2025 | 11:40
Ներքին տեղահանվածների, փախստականների վերադարձի օրակարգը համարում եմ վտանգավոր, որովհետև դա նշանակում է վերադառնալ կոնֆլիկտի նախնական պարամետրերին։ Այս մասին «Օրբելի ֆորում 2025»-ին հայտարարեց վարչապետ Նիկոլ Փաշինյանը:
«Ես ասել եմ մի բան, որ, գուցե, մի տարի, երկու տարի առաջ կլիներ աներևակայելի։ Ես ասացի, որ Լեռնային Ղարաբաղից տեղահանված մեր քույրերի և եղբայրների վերադարձի օրակարգը ես համարում եմ վնասակար՝ խաղաղության համար։ Եվ ասել եմ նաև, որ այդ թեման՝ ներքին տեղահանվածների վերադարձի օրակարգը, ընդհանրապես վտանգավոր է, որովհետև դա նշանակում է վերադառնալ կոնֆլիկտի նախնական պարամետրերին»,-հավելել է նա։
Հիշեցնենք՝ Ադրբեջանի Գիտությունների ազգային ակադեմիայի 80-ամյակին նվիրված միջոցառման ժամանակ Ալիևը հայտարարել է, թե իրենց հարուստ պատմությունը տարիներ շարունակ «խեղաթյուրվել է Հայաստանի և հայկական սփյուռքի կողմից»։ Նշել է, թե այսօրվա Հայաստանի տարածքում գտնվող տեղանունների մեծ մասն ադրբեջանական ծագում ունի։
«Սևանա լիճն այդ քարտեզների վրա չկա։ Գյոյչա լիճը կա, և մեր կողմից օգտագործվող մյուս բոլոր պատմական տեղանուններն այնտեղ արտացոլված են։ Մենք չենք ստեղծել այս քարտեզները, որպեսզի որևէ մեկը ասի՝ մենք խաբում ենք։ Սա արել է Ցարական Ռուսաստանը»,- հայտարարել է Ալիևը։
Փաշինյանը նշել է, որ Ադրբեջանում և Հայաստանում երբեմն ընկալում և տեսնում են պատմության մի մասը միայն․ «Ինչքան Ադրբեջանում հնչում է «Բասարգեչար» անունը, այնքան Հայաստանում հնչում են Արցախ կամ Կովսական անունները»։
Նրա խոսքով՝ Ալիևը Ցարական Ռուսաստանի քարտեզների մասին է խոսել, բայց կարելի է ավելի հետ գնալ ու հասնել մի կետի, երբ «Մոնղոլիան էլ կասի` ձեզ բան ունեմ ասելու»։
Մանրամասները՝ տեսանյութում։
Եվգենյա Համբարձումյան
