10.10.2026 | 12:57
Նավթի գներն աճել են
Արտյոմ Սիմոնյանը գոլ է խփել «Արսենալին»․ ՏԵՍԱՆՅՈՒԹ
04.11.2025 | 12:18
Հայաստանի ազգային հավաքականի կազմում 10 հանդիպում անցկացրած Արտյոմ Սիմոնյանը Վոլգոգրադի «Ռոտորի» կազմում գոլի հեղինակ է դարձել Ֆուտբոլի Ռուսաստանի Ազգային լիգայում (առաջին դիվիզիոն)։
17-րդ տուրի խաղում «Ռոտորը» 1։2 հաշվով տնային պարտություն է կրել Տուլայի «Արսենալից»։ 30-ամյա հայ կիսապաշտպանը 17-րդ րոպեին խփել է դաշտի տերերի պատասխան գոլը։
Արտյոմ Սիմոնյանն այս տարվա հունիսին է միացել «Ռոտորին», որը Ռուսաստանի Ազգային լիգայի 17-րդ տուրից հետո 26 միավորով 6-րդ տեղում է։ Ընթացիկ առաջնությունում նա մասնակցել է 15 խաղի, խփել 2 գոլ ու կատարել 3 գոլային փոխանցում։
Հայաստանում կիսապաշտպանը խաղացել է «Արարատում», «Ալաշկերտում», «Փյունիկում» ու «Նոայում», իսկ նախորդ երեք մրցաշրջաններն անցկացրել է ռուսական «ԲՄԱ-Խաբարովսկում»:
