Հայաստանի առաջնությունն ունի նոր առաջատար․ տուրի տեսաամփոփումը

Ֆուտբոլի Հայաստանի Fastex Պրեմիեր լիգայի 12-րդ տուրի արդյունքում տեղի է ունեցել առաջատարի փոփոխություն։

Տուրի կենտրոնական խաղում փոխչեմպիոն «Արարատ-Արմենիան» հյուրընկալվելիս 2։1 հաշվով հաղթել է գործող չեմպիոն «Նոային» և, շրջանցելով «Ալաշկերտին», գլխավորել է մրցաշարային աղյուսակը։ Հյուրերին հաղթանակ են բերել Ժիրայր Շաղոյանի ու Արմեն Համբարձումյանի խփած գոլերը։

Երկրորդ տեղ նահանջած «Ալաշկերտը» մրցակցի խաղադաշտում նվազագույն հաշվով պարտվել է «Գանձասարին», որի հաղթական գոլը երկրորդ խաղակեսի սկզբնամասում խփել է Լևոն Պետրոսյանը։

«Փյունիկը» 2։1 հաշվով արտագնա հաղթանակի է հասել ԲԿՄԱ-ի նկատմամբ, «Ուրարտուն» հյուրընկալվելիս նվազագույն հաշվով հաղթել է «Արարատին», իսկ Չարենցավանի «Վանը» Գյումրիում հաղթանակ է կորզել «Շիրակի» նկատմամբ։ «Վանի» հաղթական գոլն ավելացված ժամանակում խփել է «Շիրակի» ու Հայաստանի ազգային հավաքականի նախկին պաշտպան Հրայր Մկոյանը՝ անվրեպ իրացնելով 11-մետրանոց հարվածը։ 39-ամյա Մկոյանը դարձել է Հայաստանի առաջնություններում «Վանում» գոլ խփած ամենատարեց ֆուտբոլիստը։

«Արարատ-Արմենիան» 11 խաղից հետո 27 միավորով գլխավորում է մրցաշարային աղյուսակը։ 12 հանդիպում անցկացրած «Ալաշկերտը» հավաքել է 25 միավոր, իսկ լավագույն եռյակը եզրափակող «Ուրարտուն» 12 խաղում վաստակել է 24 միավոր։ Լավագույն հնգյակում են նաև «Փյունիկը» (11 խաղ, 22 միավոր) և «Նոան» (11 խաղ, 21 միավոր)

Fastex Պրեմիեր լիգա, 12-րդ տուր

«Նոա» – «Արարատ-Արմենիա»` 1-2

Հելդեր Ֆերեյրա, 48 – Ժիրայր Շաղոյան, 21, Արմեն Համբարձումյան, 86

«Գանձասար» – «Ալաշկերտ»` 1-0

Լևոն Պետրոսյան, 47

Հեռացում` Մոմո Տուրե, 80 («Ալաշկերտ»)

ԲԿՄԱ – «Փյունիկ»` 1-2

Արթուր Ասկարյան, 57 – Էրիկ Օկանսի, 12, Խավի Մորենո, 65 (11մ)

«Արարատ» – «Ուրարտու»` 0-1

Անտոն Բրատկով, 14

«Շիրակ» – «Վան»` 2-3

Ջեսի Ակիլա, 22, Գագիկ Ակուլյան, 62 – Կաուա Սիլվա Ֆերեյրա, 58, Ջեֆերսոն Գրանադո, 75, Հրայր Մկոյան, 90+5 (11մ)