09.06.2026 | 11:58
Քննարկվում են վերահաշվարկի դիմումները․ ՈՒՂԻՂ
Փաշինյանը 2026 թ․ ընտրություններում ՔՊԿ-ի համամասնական ցուցակում առաջադրվելու հայտ է ներկայացրել
Քաղաքականություն
03.11.2025 | 17:22
«Առաջադրվեցի»,- ֆեյսբուքյան իր էջում գրել է ՀՀ վարչապետ Նիկոլ Փաշինյանն ու հրապարակել նամակի լուսապատճենը։
Մինչ այդ «Քաղաքացիական պայմանագիր» կուսակցությունը հայտարարություն էր տարածել, որով տեղեկացրել էր, որ սկսվում է 2026թ․ հերթական խորհրդարանական ընտրություններում ՔՊԿ-ի համամասնական ցուցակի ձևավորման գործընթացը։
«Քաղաքացիական պայմանագիր» կուսակցության Վարչության որոշմամբ․
1․ 2026թ․ հերթական խորհրդարանական ընտրություններում «Քաղաքացիական պայմանագիր» կուսակցության համամասնական ցուցակում ընդգրկվելու համար թեկնածուները կարող են ինքնառաջադրվել 2025թ․ նոյեմբերի 1–ից նոյեմբերի 30–ը ներառյալ։
2․ Ինքնառաջադրումը տեղի է ունենում [email protected] էլ․ փոստի հասցեին գրված համապատասխան նամակով, որին պետք է կցված լինի ինքնակենսագրական (կենսագրականի հղում)։ ՔՊ անդամ չհանդիսացող անձինք նամակին պետք է կցեն նաեւ ՔՊ Վարչության առնվազն մեկ անդամի երաշխավորության մասին տեղեկատվություն։
3․ Թեկնածուների գրանցումը իրականացնելու է ՔՊ Վարչությունը՝ 2025թ․ դեկտեմբերի 1–ից դեկտեմբերի 31–ն ընկած ժամանակահատվածում։
4․ Գրանցված թեկնածուները մինչեւ 2026թ․ փետրվարի 5–ը ներառյալ պետք է վճարեն առաջադրման վճար, ՔՊ անդամները 500 հազար դրամ, ՔՊ անդամ չհանդիսացող անձինք՝ 1 միլիոն 500 հազար դրամ։
