02.10.2026 | 23:52
Եղիշե Մելիքյանը՝ Կիպրոսի հավաքականից կրած պարտության մասին. ՏԵՍԱՆՅՈՒԹ
Ուկրաինայի ԶՈՒ-ն աշնան սկզբից ի վեր չորրորդ անգամ ԱԹՍ-ներով հարձակվել է Սարատովի նավթավերամշակման գործարանի վրա
Քաղաքականություն
03.11.2025 | 12:34
Ուկրաինական զինվորականներն անօդաչու թռչող սարքերով հարձակվել են Սարատովի նավթավերամշակման գործարանի վրա, որը «Ռոսնեֆտ»-ի մաս է կազմում։ Այս մասին հաղորդում է Astra-ն՝ հղում անելով հարվածի վայրից ստացված տեսանյութի վերլուծությանը, գրում է Meduza-ն։
Սարատովի բնակիչները նոյեմբերի լույս 3-ի գիշերը տեղական սոցիալական ցանցերի էջերում հայտնել են պայթյունների, ազդանշանների և հակաօդային պաշտպանության ակտիվության մասին: Քաղաքի օդանավակայանի գործունեությունը գիշերը մի քանի ժամով դադարեցվել է։
Ռուսաստանի պաշտպանության նախարարությունը հայտնել է Սարատովի մարզի վրա 29 անօդաչու թռչող սարք որսալու մասին: Իշխանությունները պաշտոնապես որևէ տեղեկատվություն չեն հաղորդել հարձակման հետևանքների մասին:
Սարատովի նավթավերամշակման գործարանն աշնան սկզբից ի վեր արդեն չորրորդ անգամ է հարձակման ենթարկվում ուկրաինական անօդաչուների կողմից։ Նախորդ հարձակումները տեղի են ունեցել սեպտեմբերի 16-ին և 20-ին, ինչպես նաև հոկտեմբերի 20-ին։
Թարգմանությունը՝ Էմմա Չոբանյանի
