11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
6 միջնորդագիր եմ ուղարկել ԿԳՄՍ նախարարին՝ դպրոցներից տեղեկություններ չտրամադրելու մասով․ ՆԳ նախարար․ ՏԵՍԱՆՅՈՒԹ
Հասարակություն
03.11.2025 | 11:24
Հաշվետու տարում (2025-ի 9 ամիսները – խմբ.) 4 տոկոսով նվազել են անչափահասների կողմից կատարված հանցագործությունները: Այս մասին Ազգային ժողովի պաշտպանության և անվտանգության հարցերի ու ֆինանսավարկային և բյուջետային հարցերի մշտական հանձնաժողովների համատեղ նիստին՝ «2026 թ. պետական բյուջեի մասին» օրենքի նախագծի նախնական քննարկմանն ասաց ՆԳ նախարար Արփինե Սարգսյանը:
Նախարարը հիշեցրեց՝ ԱԺ-ն օրենսդրական նախաձեռնություն է ընդունել, որով անչափահասներին նաև արգելվել է սառը զենքին նմանվող առարկաների, սարքերի կամ գործիքների վաճառքը:
«Օրենքի ընդունումից ի վեր 12 դեպքով իրականացրել ենք համապատասխան վարչարարություն, և այստեղ տեմպերը պետք է պահպանենք, որպեսզի օրենսդրական գաղափարախոսությունը, որը համատեղ ընդունել ենք, կարողանանք պրակտիկայում ապահովել»,- ասաց նա:
Սարգսյանն ընդգծեց նաև, որ կարիք կա ընտանիքի, կրթական հաստատության հետ աշխատանքի, քանի որ կան դեպքեր, երբ ընտանիքի անդամները չեն բարձրաձայնում կատարված հանցագործության մասին, կամ դպրոցներն ահազանգեր չեն տրամադրում:
«Չթիրախավորելով որևէ կրթական հաստատության՝ նշեմ, որ նախարարությունը հետևողականորեն աշխատում է այս ուղղությամբ, և արդեն ընթացիկ տարում 6 միջնորդագիր եմ ուղարկել ԿԳՄՍ նախարար Ժաննա Անդրեասյանին՝ դպրոցների կողմից նմանատիպ տեղեկությունները ոստիկանությանը չտրամադրելու վերաբերյալ: Այս պրակտիկան շարունակելու ենք համատեղ, որպեսզի կարողանանք ցանկացած իրավիճակ մեր տեսադաշտում պահել»,- նշել է ՆԳ նախարարը:
Մանրամասները՝ տեսանյութում։
Եվգենյա Համբարձումյան
