06.04.2026 | 22:29
Իրանը հայտարարել է, որ թիրախավորել են ԱՄՆ-ի և Իսրայելի հետ կապված նավեր
Ռոնալդուի դուբլն ու «Ալ Նասրի» հերթական հաղթանակը. ՏԵՍԱՆՅՈՒԹ
Հասարակություն
02.11.2025 | 13:30
Սաուդյան Արաբիայի առաջնության 7-րդ տուրում «Ալ Նասրը» Կրիշտիանու Ռոնալդուի դուբլի շնորհիվ 2:1 հաշվով տնային հաղթանակ է տարել «Ալ Ֆեյհայի» նկատմամբ։
Պորտուգալիայի հավաքականի ավագն աչքի է ընկել խաղի 37-րդ րոպեին ու ավելացված ժամանակում՝ երկրորդ գոլը խփելով 11-մետրանոց հարվածով։ 40-ամյա հարձակվողը խփել է կարիերայի 951-րդ և 952-րդ գոլերը։
Սաուդյան Արաբիայի առաջնության 7-րդ տուրից հետո «Ալ Նասրը» 21 միավորով գլխավորում է մրցաշարային աղյուսակը։ Երկրորդ տեղում գտնվող «Աթ Թավունը» հետ է 3 միավոր։
Կրիշտիանու Ռոնալդուն ընթացիկ առաջնության 7 խաղում խփել է 8 գոլ ու կատարել 1 ասիստ։ Նա մեկական գոլ է զիջում ռմբարկուների ցուցակը գլխավորող Ժոաու Ֆելիքսին («Ալ Նասր») և Ջոշուա Քինգին («Ալ Հալիջ»)։
Հիշեցնենք, որ այս ամիս Պորտուգալիայի հավաքականն անցկացնելու է երկու հանդիպում։ Մրցակիցներից մեկը նոյեմբերի 16-ին աշխարհի առաջնության եվրոպական գոտու ընտրական փուլի վերջին տուրի խաղում լինելու է Հայաստանի ազգային հավաքականը։
