31.10.2026 | 19:51
Քննարկվել են ՀՀ և բրազիլական ինքնաթիռաշինական համաշխարային ընկերության միջև համագործակցության հնարավոր հեռանկարները
2 զուգահեռ իրականություն․ եղբայրներից մեկը Մայր Աթոռի պատարագին է մասնակցում, մյուսը՝ Հովհաննավանքում պատարագ մատուցում
Քաղաքականություն
02.11.2025 | 12:09
Կադրեր են տարածվել Մայր Աթոռի բակից, որում երևում է՝ ինչպես է կարգալույծ հռչակված Տեր Արամի եղբայրը՝ Անուշավան սարկավագ Ասատրյանը, հոգևորականների թափորի հետ մտնում Մայր տաճար։
Էջմիածնում ընթացող Հայրապետական մաղթանքին զուգահեռ ավագ Ասատրյանը պատարագ է մատուցում Հովհաննավանքում, որին ներկա են վարչապետը, կառավարության անդամներ, պատգամավորներ։ Նա կարգալուծության մասին Մայր Աթոռի հայտարարությունից հետո նշել է, որ չի ընդունում իր կարգալուծությունը և շարունակում է Հովհաննավանքում եկեղեցական ծեսեր իրականացնել։ Կարգալույծ հռչակված քահանան այսօր կարճ մեկնաբանություն էր տվել՝ ասելով, որ եղբոր հետ լավ հարաբերությունների մեջ է։
Այսօր Մայր Աթոռ Սուրբ Էջմիածնում տոնվում է Գարեգին Երկրորդի գահակալության 26-րդ տարեդարձը։ Սկևռայի սրբոց մասանց պահարանը բերվել է Մայր տաճար:
Ավելի վաղ եկեղեցին հայտարարել է՝ Հովհաննավանքը Մայր Աթոռի սեփականությունն է, «այնտեղից չհեռացող Ստեփան Ասատրյանի քայլն էլ ապօրինի ներխուժում է»: ՀԱԵ-ն դիմել է ոստիկանություն:
Եվգենյա Համբարձումյան
