19.08.2026 | 22:13
Երեխային դաստիարակելիս ֆիզիկական բռնությունն անթույլատրելի է․ ՆԳ նախարարությունն իրազեկում է
Սա ճանապարհ է մեր Սրբության սրբոցը ազատագրելու նրան պղծության ճիրանների մեջ կալանված պահածներից․ Փաշինյան
Քաղաքականություն
02.11.2025 | 10:10
Վարչապետ Նիկոլ Փաշինյանը վաղ առավոտյան ֆեյսբուքում էջում «Ուղերձ նրանց, ովքեր մտածում և/կամ պատրաստվում են այսօր գալ Հովհաննավանք» խորագրով տեսանյութում է հրապարակել ու նշել, թե Մայր Աթոռ Սուրբ Էջմիածինն ազատելուց առաջ պետք է նախ՝ հոգևոր և բարոյական իմաստով արժանի լինեն Սրբության սրբոցին՝ Մայր Աթոռ Սուրբ Էջմիածնին։
«Եվ ես հույս ունեմ, որ բոլոր այն մարդիկ, ովքեր այսօր մտածում և պատրաստվում են ներկա գտնվել Հովհաննավանքի Սուրբ և Անմահ պատարագին, այս օրակարգը և գիտակցությունը ունեն իրենց մեջ։ Սա ճանապարհ է մեր Սրբության սրբոցը ազատագրելու նրան պղծության ճիրանների մեջ կալանված պահածներից։
Բայց այս առաքելությունը իրականացնելու համար այդ առաքելությանը ծառայելու պատրաստ յուրաքանչյուր ոք նախ՝ ինքը պետք է անցնի իր հոգևոր և բարոյական նորոգման ճանապարհը։ Եվ սրանում է այսօր Հովհաննավանքում տեղի ունենալիք Սուրբ և Անմահ պատարագի խորհուրդը։ Եվ մենք՝ բոլորս, այս տրամադրվածությամբ պիտի գնանք Հովհաննավանք»,- ասում է վարչապետը։
Ավելի վաղ հայտնել էինք՝ այսօր ևս վարչապետը Հովհաննավանքում կմասնակցի պատարագի:
