20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
Մերձմոսկվայում կարտաքսեն ավելի քան 4,3 հազար միգրանտների
Քաղաքականություն
01.11.2025 | 19:47
Մոսկվայի մարզում հոկտեմբերի 13-22-ն անցկացվել է «Անօրինական-2025» գործողության երկրորդ փուլը, որի նպատակն, ըստ «ՌԻԱ Նովոստի»-ի «անօրինական միգրացիան կանխելն է, բացահայտելը վարչական իրավախախտումները և հանցագործությունները միգրացիոն ոլորտում»։
Մոսկվայի մարզի ներքին գործերի գլխավոր վարչության տեղեկատվության և հասարակայնության հետ կապերի վարչության պետ Տատյանա Պետրովայի խոսքով՝ դատարանների կողմից կայացվել է ավելի քան 4,3 հազար որոշում՝ օտարերկրյա քաղաքացիներին Ռուսաստանի Դաշնությունից վարչական կարգով արտաքսելու վերաբերյալ։
«Ընդհանուր առմամբ, գործողության երկու փուլերի արդյունքներով կանխվել է ավելի քան 15,7 հազար վարչական իրավախախտում, կազմվել է ավելի քան 10 հազար արձանագրություն՝ Ռուսաստանի տարածքում գտնվելու ռեժիմի խախտման համար, և ավելի քան 2,1 հազար արձանագրություն՝ անօրինական աշխատանքային գործունեություն ծավալելու համար։
Բացի այդ, օտարերկրացիներին անօրինական աշխատանքի ներգրավելու համար աշխատատուների նկատմամբ կազմվել է ավելի քան 1,6 հազար վարչական արձանագրություն»,- փոխանցում է «ՌԻԱ Նովոստին»։
