27.06.2026 | 15:00
Ուկրաինան հարվածել է Մոսկվային վառելիք մատակարարող «Վտորովո» նավթամղիչ կայանին. meduza
5 մլն բնակչություն ունենալու երազանքը․ փողով հնարավո՞ր է խթանել ծնելիությունը. ՏԵՍԱՆՅՈՒԹ
Հասարակություն
31.10.2025 | 21:32
Բոլոր երեխաների ծննդյան համար տրվող միանվագ նպաստի չափը կհավասարեցվի՝ սահմանվելով 500 հազար դրամ: Սա աշխատանքի և սոցիալական հարցերի նախարարության առաջարկն է․ դեռ հայտնի չէ, թե օրենսդրական փաթեթը երբ Ազգային ժողով կմտնի։
Ծննդյան միանվագ նպաստի չափն առաջին և երկրորդ երեխայի դեպքում այս պահին 300 հազար դրամ է, երրորդ և չորրորդ երեխայի համար՝ 1 մլն դրամ։ Հինգերորդ և յուրաքանչյուր հաջորդ երեխայի ծնվելու պարագայում ընտանիքին 1,5 մլն դրամ է տրամադրվում: Ստացվում է՝ եթե նախարարությունն ապագայում նման նախագծով հանդես գա և օրենսդիրն էլ հավանություն տա, առաջին և երկրորդ երեխաների պարագայում գումարը կբարձրանա, սակայն հաջորդների պարագայում կրկնակի և եռակի կնվազի։
Դրամական ուղիղ աջակցությունից պետք է անցում կատարել ընտանիքների սոցիալական երաշխիքների տրամադրման գործընթացին՝ ասում է ժողովրդագրագետ Արտակ Մարկոսյանը։
Աշխատանքի և սոցիալական հարցերի նախարարն առաջարկում է 3-րդ և հաջորդ երեխային մինչև 6 տարեկանը 50 հազար դրամ վճարելու աջակցության ծրագիրը մշտական նպաստ դարձնել։ Դեռ 2021-ին Կառավարության որոշմամբ մինչև 6 տարեկաններն օգտվում էին այս աջակցությունից, սակայն ծրագիրն այս տարի ավարտվում է։
Ժողովրդագրագետի խոսքով՝ այդ ծրագիրը ծնելիության առումով ունեցել է որոշակի ազդեցություն, սակայն նկատում է՝ երեխաների հիմնական ծախսերը սկսվում են հենց 6 տարեկանից հետո։
Հայաստանում մահացության ցուցանիշն այս պահին գերազանցում է ծնելիությանը, ամուսնության տարիքային շեմը բարձրացել է, իսկ ամուսնալուծությունների թիվը՝ գերազանցել ամուսնություններինը։ Այս պայմաններում դժվար է կանխատեսել, թե որքան արդյունավետ կլինեն աջակցության արդեն գործող և ապագա ծրագրերը, միայն ժամանակը ցույց կտա՝ կիրականանա՞, արդյո,ք 2050 թվականին 5 մլն բնակչություն ունենալու՝ Փաշինյանի խոստումը։
Մանրամասները՝ տեսանյութում։
Անի Թամրազյան
