05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
ԱԽ քարտուղարն ու Էստոնիայի ԱԳՆ գլխավոր քարտուղարը քննարկել են ՀՀ-ԵՄ համագործակցության ընթացքը
Քաղաքականություն
31.10.2025 | 20:30
Բահրեյն կատարած աշխատանքային այցի ընթացքում Հայաստանի Հանրապետության Անվտանգության խորհրդի քարտուղար Արմեն Գրիգորյանը Էստոնիայի ԱԳ նախարարության գլխավոր քարտուղար Ջոնաթան Վսևիովի հետ քննարկել է մի շարք հարցեր, այդ թվում՝ Հարավային Կովկասում հաստատված խաղաղության վերաբերյալ։ Այս մասին տեղեկացնում են ԱԽ գրասենյակից։
«Հանդիպման ընթացքում կողմերը քննարկել են Հայաստան–Էստոնիա երկկողմ հարաբերությունների զարգացումը, ինչպես նաև Հայաստան–Եվրոպական միություն համագործակցության ընթացքը և ապագա հեռանկարները։
Զրուցակիցները մտքեր են փոխանակել Հարավային Կովկասում հաստատված խաղաղության վերաբերյալ»,- ասված է հաղորդագրությունում:
Հիշեցնենք՝ Արմեն Գրիգորյանը Բահրեյնում անցկացվող «Մանամայի երկխոսություն 2025»-ի շրջանակներում հանդիպել էր նաև Կիպրոսի նախագահի ազգային անվտանգության խորհրդական և Հետախուզական ծառայության տնօրեն Թասոս Ցիոնիսի, Իրաքի նախագահի ազգային անվտանգության խորհրդական Քասիմ ալ-Արաջիի, Շվեյցարիայի ազգային անվտանգության խորհրդական Գաբրիել Լյուխինգերի, իբանանի պետական անվտանգության գլխավոր տնօրեն Էդգար Լավանդոսի հետ։
