12.01.2026 | 13:27
Կենսաթոշակը կամ նպաստը կանխիկ եղանակով ստացողներն ինչպես կարող են անցնել անկանխիկ տարբերակի. ԱՍՀ-ն ուղեցույց է հրապարակել
Անի Զալինյանն ընտրվել է Նիդեռլանդների խորհրդարանի պատգամավոր
Քաղաքականություն
31.10.2025 | 10:29
Նիդեռլանդների խորհրդարանական ընտրությունների արդյունքներով Անի Զալինյանը ստացել է պատգամավորական մանդատ՝ դառնալով առաջին հայ ներկայացուցիչը Նիդեռլանդների խորհրդարանում։
«Արմենպրես»-ի փոխանցմամբ՝ այս մասին հայտնում է «Նիդեռլանդական օրագիր» կայքը։
Նշվում է, որ այս նշանակալի առիթով Անի Զալինյանին շնորհավորանքներ են հղել մի շարք հայկական կազմակերպություններ և անհատներ։
Անի Զալինյանն առաջադրվել էր GroenLinks-PvdA դաշինքի կողմից։ Նրա ընտրվելը խորհրդանշում է ազգային բազմազանության և ներգրավվածության կարևոր առաջընթաց Նիդեռլանդների քաղաքական դաշտում։
Խորհրդարանական ընտրությունները Նիդեռլանդներում կայացել էին հոկտեմբերի 29-ին։ Ըստ նախնական տվյալների՝ ընտրություններում հաղթանակ է տարել «Դեմոկրատներ 66» կուսակցությունը։
«Դեմոկրատներ 66»-ը կստանա խորհրդարանի 150 տեղերից 27-ը։
Ծայրահեղ աջակողմյան «Ազատություն» կուսակցությունը որը մի քանի տասնորդական տոկոսով քիչ ձայն է հավաքել, արդյունքում նույնպես պետք է ստանա 27 տեղ։ Երրորդ տեղը զբաղեցնում է աջ-լիբերալ Ազատության և ժողովրդավարության ժողովրդական կուսակցությունը, որը կստանա 22 մանդատ։ GroenLinks-PvdA դաշինքը, որով Անի Զեյնալյանը պատգամավորի մանդատ է ստացել, խորհրդարանում կունենա 20 տեղ։ Նախորդ ընտրությունների արդյունքներով դաշինքը Նիդեռլանդների խորհրդարանում 25 տեղ ուներ։
