28.04.2026 | 18:35
Ադրբեջանի հետ հարաբերությունների կարգավորում, բանակը` անվտանգության երաշխիք․ ինչ է առաջարկում ԲՀԿ-ն․ ՏԵՍԱՆՅՈՒԹ
«Վրացական երազանք»-ը հայց է ներկայացրել Սահմանադրական դատարան՝ ընդդիմադիր կուսակցություններն արգելելու համար
Քաղաքականություն
30.10.2025 | 21:17
Վրաստանի իշխող «Վրացական երազանք» կուսակցությունը հայց է ներկայացրել Սահմանադրական դատարան՝ պահանջելով արգելել երեք ընդդիմադիր կուսակցությունների գործունեությունը: Գրանցման որոշումը կկայացվի առաջիկա երեք օրերի ընթացքում։ «Վրացական երազանք»-ը պահանջում է, որ երեք ընդդիմադիր քաղաքական կուսակցությունները ճանաչվեն հակասահմանադրական։
Խոսքը «Միացյալ ազգային շարժում», «Փոփոխությունների համար կոալիցիա» և «Հզոր Վրաստան – Լելո» կուսակցությունների մասին է։
2025 թվականի հուլիսի 17-ին «Վրացական երազանք» կուսակցության նախագահ Իրակլի Կոբախիձեն հայտարարել էր, որ իրենք պահանջելու են «Լելո» և «Գախարիան Վրաստանի համար» կուսակցությունները հակասահմանադրական ճանաչել՝ չնայած տեղական ինքնակառավարման մարմինների ընտրություններին նրանց մասնակցությանը: Նախկին վարչապետ Գիորգի Գախարիայի կուսակցության վերաբերյալ որոշումը փոխվել է խորհրդարանում քաղաքական ուժի աշխատանքը սկսելուց հետո:
Ավելի վաղ հայտնի էր դարձել, որ Վրաստանի իշխող կուսակցությունը պահանջում է արգելել երեք խոշորագույն ընդդիմադիր կուսակցությունների գործունեությունը։
Վերջին ամիսներին «Վրացական երազանքը» մի շարք օրենքներ է ընդունել, որոնք խախտում են հավաքների և խոսքի ազատության իրավունքները: Մասնավորապես, ընդունվել է օրենք, որը Սահմանադրական դատարանին թույլ է տալիս, բացի կուսակցությունն արգելելուց, պահանջել կոնկրետ քաղաքական գործիչների գործունեության սահմանափակումներ:
Թարգմանությունը՝ Էմմա Չոբանյանի
