16.02.2026 | 00:04
Հայաստանի գեղասահորդները հաջող մեկնարկեցին Օլիմպիական խաղերում․ ՏԵՍԱՆՅՈՒԹ
Ադրբեջանը չի թույլատրել այցելել վատառողջ ուսանողին. Զախարովան խոսել է Բաքվում ձերբակալված ռուսների ազատ արձակման քննարկումների մասին
Քաղաքականություն
30.10.2025 | 21:57
Մոսկվան և Բաքուն առարկայական երկխոսություն են վարում Ադրբեջանում ձերբակալված ՌԴ քաղաքացիների արագ ազատ արձակման հարցով։ Այս մասին ամենշաբաթյա ճեպազրույցում հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան։
«Երկու երկրների համապատասխան գերատեսչությունների միջև ընթանում է առարկայական երկխոսություն՝ Ռուսաստանի քաղաքացիների հայրենիք արագ վերադարձն ապահովելու համար»,- նշել է նա։
Զախարովան հիշեցրել է, որ «Sputnik Ադրբեջան» լրատվական գործակալության ղեկավար Իգոր Կարտավիխը և գլխավոր խմբագիր Եվգենի Բելոուսովն արդեն վերադարձել են Ռուսաստան:
«Սանկտ Պետերբուրգից ուսանող Դմիտրի Ֆյոդորովի իրավիճակը մտահոգության տեղիք է տալիս. կան բազմաթիվ նշաններ նրա վատառողջության մասին։ Հոկտեմբերի 29-ին Բաքվում Ռուսաստանի դեսպանատունը կրկին դիմում է ուղարկել ադրբեջանական կողմին՝ Ռուսաստանի քաղաքացու հետ հանդիպելու և նրան որակյալ բժշկական օգնություն ցուցաբերելու վերաբերյալ։ Ցավոք, հյուպատոսական մուտքը դեռևս չի ստացվել, բայց մենք այն պահում ենք հսկողության տակ»,- նշել է նա։
Հիշեցնենք՝ ադրբեջանական լրատվամիջոցները հայտնել էին, որ Բաքվի դատարանը ևս երեք ամսով երկարաձգել է ձերբակալված ՌԴ քաղաքացիների կալանքը։
Թարգմանությունը՝ Էմմա Չոբանյանի
