11.09.2026 | 21:36
Ժամանակը եկել է․ Լուկաշենկոն հրամայել է ստուգել բանակի՝ զորահավաքին պատրաստվածությունը
ՌԴ-ն կփորձի Հայաստանում իշխանությունը վերահսկողության տակ վերցնել․ Սանդու
Քաղաքականություն
30.10.2025 | 17:52
Մոլդովայի նախագահ Մայա Սանդուն հայտարարել է, որ Ռուսաստանը վերանայում է իր ռազմավարությունը տարածաշրջանում վերջերս կայացած ընտրություններից հետո և շարունակելու է միջամտել տարբեր երկրների, այդ թվում՝ Մոլդովայի Հանրապետության քաղաքական գործընթացներին։
«Ռուսաստանի Դաշնությունը դեռևս ճշգրտում է իր ռազմավարությունը։ Նրանք նման արդյունքներ չէին սպասում և հիմա փորձում են վերանայել իրենց ծրագրերը։ Նրանք կկենտրոնանան այլ երկրների վրա, որտեղ ընտրություններ են տեղի ունենում։ Օրինակ՝ հաջորդ տարի Հայաստանում ընտրություններ են անցկացվելու, և նրանք կփորձեն իշխանությունը վերահսկողության տակ վերցնել»,- նշել է Մայա Սանդուն ռումինական Rock FM ռադիոկայանին տված հարցազրույցում։
Նրա խոսքով՝ տարածաշրջանի բոլոր երկրները, հատկապես՝ Ուկրաինայի հարևանները, դարձել են ռուսական քարոզչության և ապատեղեկատվության թիրախ։
«Կրեմլը ձգտում էր բոլոր երկրները դարձնել առնվազն անբարյացակամ կամ չեզոք Ռուսաստանի գործողությունների նկատմամբ Ուկրաինայում։ Դժբախտաբար, նրան հաջողվել է մանիպուլյացիաներ անել մեր որոշ քաղաքացիների, ինչպես նաև Ռումինիայի քաղաքացիների հետ»,- հավելել է Սանդուն՝ նշելով, որ Մոլդովան անմիջականորեն զգացել է այդ ազդեցությունը տեղեկատվական հարձակումների և ապատեղեկատվական արշավների միջոցով, այդ թվում՝ սփյուռքի շրջանում։
Թարգմանությունը՝ Էմմա Չոբանյանի
