10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Վայոց ձորում էլեկտրազոդողի անփութության պատճառով գյուղացիների գարու ցանքատարածքներն ամբողջովին այրվել են.shamshyan.com
19.07.2017 | 10:32
Երեկ հուլիսի 17-ին` ժամը 16:00-ի սահմաններում, Մալիշկա գյուղի վարչական տարածքում գտնվող «Քահրեր» կոչվող հանդամասում «Կալպատարու Փաուեր Թրանսմիշն Լիմիթեդ» ընկերության աշխատակից Հնդկաստանի հանրապետւթյան քաղաքացի, Եղեգնաձոր քաղաքում ժամանակավորապես բնակվող 40-ամյա Պանդու Մանինի կողմից «Հրազդան-Շինուհայր» բարձրավոլտ հոսանքագծի թիվ 049 հենասյան վրա զոդման աշխատանքներ իրականացնելու արդյունքում հենասյան տարածքում հրդեհ է բռնկվել:
Ինչպես հայտնում է shamshyan.com-ը, հրդեհի հետևանքով այրվել է Մալիշկա գյուղի բնակիչներ 57-ամյա Պարույր Բաբայանի 25.000 քմ, 31-ամյա Ռոման Ասատրյանի 25.000 քմ, 57-ամյա Հովհաննես Շահբազյանի 25.000 քմ, 54-ամյա Արա Ազոյանի 10.000 քմ և 59-ամյա Նորայր Շահբազյանի մոտ 15.000 քմ գարու ցանքատարածությունները:
Հրդեհի վայր են ժամանել Արտակարգ իրավիճակների նախարարության փրկարար ծառայության Վայոց ձորի մարզային փրկարարական վարչության Եղեգնաձորի և Վայքի հրշեջ-փրկարարական ջոկատները՝ մի քանի մարտական հաշվարկ: Փաստի առթիվ ՀՀ ԱԻՆ պետական հրդեհային և տեխնիկական անվտանգության տեսչության Վայոց ձորի մարզային հրդեհային և տեխնիկական անվտանգության տեսչությունում նյութեր են նախապատրաստվում, պարզում են նաև գյուղացիներին պատճառված նյութական վնասի չափը:
