09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Արշակ արքեպիսկոպոս Խաչատրյանին վերագրվող տեսանյութի հրապարակումից 4 օր անց դեռևս վարույթ նախաձեռնված չէ
Հասարակություն
29.10.2025 | 16:53
Արշակ արքեպիսկոխոս Խաչատրյանին վերագրվող ինտիմ տեսանյութերի հրապարակումից 4 օր անց իրավապահները դեռևս վարույթ չեն նախաձեռնել։ Քննչական կոմիտեից հայտնում են, որ այսօր ստացել են Դատախազություն ներկայացված հաղորդումը, այն քննիչին մակագրելուց հետո 24 ժամվա ընթացքում կլուծվի վարույթ նախաձեռնելու հարցը։
Հիշեցնենք, որ Արշակ արքեպիսկոպոս Խաչատրյանին վերագրվող տեսանյութերն առաջինը հայտնվել են Armenian WikiLeaks անունով տելեգրամյան ալիքում՝ հոկտեմբերի 25-ին։ Չնայած այժմ այն արգելափակված է Telegram-ի օգտագործման պայմանները խախտելու համար՝ տեսանյութերը տարածում են գտել և պահպանվել այլ ալիքներում։
Տեսանյութերի հրապարակումից հետո «Իրազեկ քաղաքացիների միավորում» հասարակական կազմակերպությունը հանցագործության մասին հաղորդում է ներկայացրել, որը, փաստորեն, 3 օր ուսումնասիրությունից հետո ուղարկվել է Քննչական կոմիտե։
Արաքս Մամուլյան
