01.04.2026 | 09:40
Իտալիան 3-րդ անգամ անընդմեջ բաց կթողնի աշխարհի առաջնությունը, ևս 4 եվրոպական հավաքական նվաճել է ուղեգիր․ ՏԵՍԱՆՅՈՒԹ
Պուտինը հայտնել է միջուկային «Պոսեյդոն» ստորջրյա սարքի փորձարկման մասին
Քաղաքականություն
29.10.2025 | 18:17
ՌԴ նախագահ Վլադիմիր Պուտինը հայտարարել է, որ նախօրեին «Պոսեյդոն» միջուկային էներգետիկ շարժիչով ստորջրյա սարք են փորձարկել, գրում է BBC-ի ռուսական ծառայությունը։
Կիրակի Պուտինը և ՌԴ Գլխավոր շտաբի պետը հայտարարել էին «Բուրևեստնիկ» միջուկային շարժիչով թևավոր հրթիռի փորձարկման մասին։ Ռուսաստանի նախագահը «Պոսեյդոնի» մասին խոսել է Մանդրիկայի անվան ռազմական կլինիկական հոսպիտալում Ուկրաինայի դեմ պատերազմում վիրավորվածներին այցելելիս։
Պուտինի պնդմամբ՝ այս սարքը յուրահատուկ է իր արագությամբ և շարժման խորությամբ, որը հնարավոր չէ որսալ։
Մեկնաբանելով «Բուրևեստնիկ»-ի մասին հայտարարությունը՝ ԱՄՆ նախագահ Դոնալդ Թրամփը երկուշաբթի Պուտինին խորհուրդ էր տվել դադարեցնել պատերազմը Ուկրաինայում, այլ ոչ թե հրթիռներ փորձարկել։
Այնուամենայնիվ, Ռուսաստանի նախագահը շարունակել է խոսել նոր զենքի մասին։
««Պոսեյդոն»-ը զգալիորեն գերազանցում է «Սարմատ»-ին իր հզորությամբ։ Ավելին, արագության և խորության առումով այս անօդաչու սարքը եզակի է աշխարհում։ Որսման մեթոդներ չկան։ «Բուրևեստնիկ»-ի մասին իմ նշած բոլոր առավելություններից բացի՝ այստեղ նաև նվազագույն չափսեր են։ Այն 100 անգամ փոքր է սուզանավի միջուկային ռեակտորից։ Սակայն «Պոսեյդոն»-ի հզորությունը զգալիորեն գերազանցում է նույնիսկ մեր ամենաժամանակակից միջմայրցամաքային հրթիռի՝ «Սարմատ»-ի հզորությանը։ Աշխարհում ոչ մի տեղ նման բան չկա»,- հայտարարել է Պուտինը։
Թարգմանությունը՝ Էմմա Չոբանյանի
