16.09.2026 | 16:10
Քաղաքացիների միլիոնավոր տվյալների հնարավոր արտահո՞սք․ պաշտոնական կառույցների արձագանքները հակասում են
Ռուսական զորքերը հարվածել են Խերսոնին․ հարձակման է ենթարկվել մանկական հիվանդանոցը, կան վիրավորներ
Քաղաքականություն
29.10.2025 | 16:55
Չորեքշաբթի առավոտյան ռուսական զորքերը հարված են հասցրել ուկրաինական Խերսոնի Դնեպրովսկի շրջանին՝ զգալի վնաս հասցնելով բժշկական հաստատությանը։ Այս մասին հայտնել է տարածաշրջանային ռազմական վարչակազմի ղեկավար Ալեքսանդր Պրոկուդինը, փոխանցում է BBC-ի ռուսական ծառայությունը։
«Վիրավորների թվում կան երեք աշխատակիցներ և մեկ երեխա։ Ինը տարեկան աղջիկը ստացել է ականի պայթյունի վնասվածք և ոտքի բեկորային վնասվածք։ Բժշկական հաստատության աշխատակիցները ստացել են պայթյունի վնասվածքներ և տարբեր ծանրության վերքեր»,- գրել է նա Տելեգրամում։
Խերսոնի շրջանային դատախազությունը, իր հերթին, հայտնել է, որ մանկական հիվանդանոցը հարվածների տակ է հայտնվել։
«Նախնական տվյալներով՝ հարվածի հետևանքով վիրավորվել է ինը մարդ, այդ թվում՝ չորս երեխա և երեք բուժաշխատող»,- ասվում է հայտարարության մեջ:
Հիվանդանոցի շենքը լուրջ վնաս է կրել, իսկ պայթյունի ալիքը վնասել է մոտակա կառույցները, հայտարարել է դատախազությունը։
Ռուսական զորքերը չեն մեկնաբանել այս հայտարարությունը, ինչպես նաև Խերսոնի վրա նախկին հարձակումները: Քաղաքը փաստացի գտնվում է առաջնագծում, շփման գիծ է ծառայում Դնեպր գետը: Մյուս ափը գրավված է Ռուսաստանի կողմից: Երկու կողմերն էլ միմյանց մեղադրում են պարբերաբար կրակ բացելու մեջ:
Թարգմանությունը՝ Էմմա Չոբանյանի
