20.02.2026 | 23:28
ԱՄՆ-ն էլ է պահանջում, որ Ուկրաինան հանձնի ամբողջ Դոնբասը․ Զելենսկի
Ճամայկայում ավերածություններից հետո «Մելիսա» փոթորիկը հասել է Կուբա
Քաղաքականություն
29.10.2025 | 16:44
Հզոր «Մելիսա» փոթորիկն անցել է Ճամայկայով՝ հարվածելով կղզու հարավարևմտյան հատվածին, և նախքան Կուբա հասնելը՝ 5-րդ կատեգորիայից թուլացել է մինչև 3-րդ կատեգորիայի, գրում է Euronews-ը։
Փոթորկի հարվածը Ճամայկայում հանգեցրել է ջրհեղեղների, սողանքների և ավերածությունների։ 500,000 մարդ մնաց առանց էլեկտրաէներգիայի։ Քամու առավելագույն արագությունը հասել է 295 կմ/ժ-ի։
«Մելիսա»-ն Ճամայկային հարվածած ամենահզոր փոթորիկն է դիտարկումների պատմության ընթացքում։ Վնասի չափերի ու տուժածների մասին տվյալները ճշտվում են։ Ճամայկայի վարչապետ Էնդրյու Հոլնեսը երկիրը հայտարարել է աղետի գոտի։
Կուբայի իշխանություններն էլ հայտնել են, որ ավելի քան 735,000 մարդ է տարհանվել։ Հորդառատ անձրևներն արդեն ջրհեղեղներ են առաջացրել Սանտյագո դե Կուբա նահանգում։
Կուբայից հետո «Մելիսա»-ի հարվածի վտանգի տակ կհայտնվեն Բահամյան ու Բերմուդյան կղզիները։
Թարգմանությունը՝ Էմմա Չոբանյանի
