23.02.2026 | 23:30
Ադրբեջանը նույնպես հետաքրքրություն է հայտնել Եվրոպական խաղաղության գործիքակազմի շրջանակներում օգնություն ստանալու հարցում
ՌԴ-ն բարձր է գնահատում Պուտին-Ալիև հանդիպման արդյունքները և երկխոսում է Բաքվում ձերբակալված ռուսների ազատ արձակման հարցով․ Պեսկով
Քաղաքականություն
29.10.2025 | 17:45
Մոսկվան Բաքվում ձերբակալված Ռուսաստանի քաղաքացիների ազատ արձակման հարցի շուրջ երկխոսություն է պահպանում ադրբեջանական կողմի հետ՝ ինչպես ամենաբարձր, այնպես էլ աշխատանքային մակարդակներով։ Այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը, գրում է Ինտերֆաքսը։
«Ներկայում քրտնաջան աշխատանք է տարվում, նախագահը բարձրացրել է այս բոլոր հարցերը, և դրանք բարձրացվում են նաև աշխատանքային մակարդակով։ Մենք շարունակում ենք երկխոսությունը»,- ասել է Պեսկովը։
Հարցին՝ արդյո՞ք ձերբակալված ռուսների հարցը քննարկվել է Վլադիմիր Պուտինի և Իլհամ Ալիևի վերջին բանակցությունների ժամանակ, Կրեմլի խոսնակը պատասխանել է. «Նախ՝ մենք շատ բարձր ենք գնահատում Դուշանբեում երկու նախագահների հանդիպման արդյունքները: Սա շատ կարևոր հանդիպում էր այն տեսանկյունից, որ մենք միասին շրջեցինք երկկողմ հարաբերություններում հենց այդ էջը»:
Հիշեցնենք՝ ադրբեջանական լրատվամիջոցները նախօրեին հայտնել էին, որ Բաքվի դատարանը ևս երեք ամսով երկարաձգել է ձերբակալված ՌԴ քաղաքացիների կալանքը։
Թարգմանությունը՝ Էմմա Չոբանյանի
