19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Օդեսայի մարզում ռուսական հարվածի հետևանքով գրեթե 30,000 տուն առանց էլեկտրականության է մնացել
Քաղաքականություն
29.10.2025 | 16:11
Ուկրաինայի Օդեսայի մարզում ռուսական հարձակման հետևանքով վնասվել են էներգետիկ ենթակառուցվածքները, ինչի հետևանքով բնակիչների մի մասը մնացել է առանց էլեկտրաէներգիայի։ Այս մասին հայտնել է մարզային վարչակազմի ղեկավար Օլեգ Կիպերը, փոխանցում է BBC-ի ռուսական ծառայությունը։
Նա տելեգրամի իր ալիքում գրել է քաղաքացիական ենթակառուցվածքների վրա զանգվածային հարձակման մասին։
«Չնայած ՀՕՊ համակարգի աշխատանքին՝ վնասներ են գրանցվել էներգետիկ և տրանսպորտային ենթակառուցվածքների օբյեկտներում։ Հրդեհ է բռնկվել, որն արագորեն մարվել է փրկարարների կողմից։ Որոշ սպառողներ ժամանակավորապես մնացել են առանց էլեկտրաէներգիայի»,- հայտնել է նա։
Կիպերը հավելել է, որ հարձակման հետևանքով կա տուժած։
Հաղորդվում է, որ էներգետիկները վերամիացրել են կարևորագույն ենթակառուցվածքային օբյեկտները և բնակելի շենքերը պահուստային գծերին այնտեղ, որտեղ տեխնիկապես հնարավոր է, սակայն 26,900 տուն շարունակում է մնալ առանց էլեկտրականության։
Ուկրաինայի ռազմաօդային ուժերը հայտարարել են, որ Ռուսաստանն Ուկրաինայի ուղղությամբ արձակել է 126 անօդաչու թռչող սարք, որոնցից մոտավորապես 80-ը «Շահեդ»տիպի կամիկաձե անօդաչուներ են եղել։ Խոցվել է 93 անօդաչու։ Միաժամանակ, գրանցվել է 32 անօդաչու թռչող սարքի հարված 10 վայրերում։
Թարգմանությունը՝ Էմմա Չոբանյանի
