ՌԴ-ում գիշերը խոցվել է 100 ԱԹՍ, 13 օդանավակայանների գործունեությունը դադարեցվել է

Լուրեր

21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
Բոլորը

Հոկտեմբերի լույս 29-ի գիշերը ռուսական ՀՕՊ ուժերը Ռուսաստանի և բռնակցված Ղրիմի տարածքի վրա որսացել  և ոչնչացրել են ուկրաինական 100 անօդաչու թռչող սարք։ Այս մասին հայտնել է Ռուսաստանի պաշտպանության նախարարությունը, գրում է Meduza-ն։

46 անօդաչու խոցվել է Բրյանսկի մարզի վրա, 12-ը՝ Կալուգայի մարզի, 8-ը՝ Բելգորոդի, 7-ը՝ Կրասնոդարի, 6-ական՝ Մոսկվայի մարզի և Օրյոլի մարզի, 4-ական՝ Ուլյանովսկի մարզի վրա, 3-ական՝ Ղրիմի և Մարի Էլ Հանրապետության, 2-ը՝ Ստավրոպոլի մարզի վրա և 1-ական՝ Կուրսկի, Սմոլենսկի և Տուլայի մարզերի վրա։ Ռոսավիացիայի տվյալներով՝ Սարատովի, Գելենջիկի, Պենզայի, Վլադիկավկազի, Գրոզնիի, Սամարայի, Կրասնոդարի, Ուլյանովսկի, Կազանի և Չեբոքսարի օդանավակայանները, ինչպես նաև Մոսկվայի Շերեմետևո, Ժուկովսկի և Դոմոդեդովո օդանավակայանները դադարեցրել են գործունեությունը երեկոյան և գիշերը։

Ստավրոպոլի երկրամասի ղեկավար Վլադիմիր Վլադիմիրովը հայտնել է, որ ուկրաինական անօդաչու թռչող սարքերը փորձել են հարձակվել Բուդյոնովսկի արդյունաբերական գոտու վրա: Նա ասել է, որ ՀՕՊ ուժերը չեզոքացրել են անօդաչու թռչող սարքերը, և հարձակումը «էական վնաս» չի պատճառել:

«Հաջողվել է խուսափել զոհերից կամ վնասից: Արտակարգ իրավիճակների ծառայությունները ներկայում աշխատում են այն տարածքում, որտեղ անօդաչու թռչող սարքերն ընկել են»,- հավելել է նա։

Astra տելեգրամ ալիքն էլ հաղորդում է, որ Բուդյոնովսկում, ենթադրաբար, հարձակման է ենթարկվել «Ստավրոլեն» նավթաքիմիական գործարանը, որն արտադրում է պոլիէթիլեն և պոլիպրոպիլեն: Տեղի բնակիչները հայտնել են տարածքում պայթյունների և հրդեհի մասին:

Բրյանսկի նահանգապետ Ալեքսանդր Բոգոմազն էլ հայտնել է, որ ԱԹՍ-ների հարձակման հետևանքով վնասվել են ինը բնակելի շենքեր, ինչպես նաև «Միրատորգ» արտադրական օբյեկտը: Մարի Էլ Հանրապետության ղեկավար Յուրի Զայցևի խոսքով՝ անօդաչու թռչող սարքերի հարվածներ են գրանցվել արդյունաբերական օբյեկտներից մեկի մոտ: Ուկրաինական «Exilenova+» տելեգրամ ալիքը պնդում է, որ հարձակման թիրախը նավթավերամշակման գործարանն է եղել:

Թարգմանությունը՝ Էմմա Չոբանյանի