06.04.2026 | 13:03
Հայտնի են ըմբշամարտի Հայաստանի հավաքականների կազմերը ԵԱ-ում
Ալիևն այցելել է Արցախ ու հայտարարել՝ «թշնամուն» վտարել են և «գեղեցիկ կյանք են կառուցում»
28.10.2025 | 20:36
Ադրբեջանի նախագահ Իլհամ Ալիևը հերթական այցն է կատարել գրավյալ Արցախ և կրկին հակահայկական հռետորաբանությամբ հանդես եկել։ Մասնավորապես, Ջրականում Խորովլու գյուղի բնակիչների հետ հանդիպման ժամանակ նա հայտարարել է, որ պետք է հավատալ արդարությանն ու ապահովել այն, գրում են ադրբեջանական լրատվամիջոցները։
«Մեր ժողովուրդը հավատում էր արդարադատությանը և հասավ դրան։ Մենք այս հողերի տերերն ենք։ Մենք թշնամուն վտարել ենք մեր հողերից և այսօր կառուցում ենք գեղեցիկ կյանք։ Ավելի քան 50,000 մարդ արդեն ապրում, աշխատում և սովորում է Ղարաբաղում։ Նրանցից մոտ 20,000-ը նախկին ներքին տեղահանված անձինք են, որոնք վերադարձել են իրենց հայրենի հողեր։ Մնացածը տարբեր ոլորտներում աշխատող քաղաքացիներ են»,- հայտարարել է Ալիևը։
Նա բնակարանների բանալիներ է հանձնել վերոնշյալ գյուղ տեղափոխված բնակիչներին։
Թարգմանությունը՝ Էմմա Չոբանյանի
