19.08.2026 | 22:13
Երեխային դաստիարակելիս ֆիզիկական բռնությունն անթույլատրելի է․ ՆԳ նախարարությունն իրազեկում է
ՌԴ Պետդուման ընդունել է ամբողջ տարվա ընթացքում զորակոչի մասին օրենքը
Քաղաքականություն
28.10.2025 | 20:14
Պետդուման երրորդ և վերջնական ընթերցմամբ ընդունել է օրենք, որը նախատեսում է քաղաքացիների զորակոչ զինվորական ծառայության ամբողջ օրացուցային տարվա ընթացքում՝ հունվարի 1-ից մինչև դեկտեմբերի 31-ը, գրում է Meduza-ն։
Հաստատված օրենքը սահմանում է, որ զինվորական կոմիսարիատները կկարողանան անցկացնել զորակոչիկների բժշկական զննումներ, անցկացնել հոգեբանական ստուգումներ և անցկացնել զորակոչային հանձնաժողովների նիստեր ամբողջ տարվա ընթացքում։ Ինչպես նախկինում, զորակոչիկները կուղարկվեն իրենց ծառայության վայրեր տարեկան երկու անգամ՝ ապրիլի 1-ից մինչև հուլիսի 15-ը և հոկտեմբերի 1-ից մինչև դեկտեմբերի 31-ը։
Ընդունված օրենքի համաձայն՝ զորակոչիկներին ծանուցագրեր կուղարկվեն ամբողջ տարվա ընթացքում՝ անկախ ամսից։
Նախաձեռնության հեղինակները նշել են, որ այն նպատակ ունի «թեթևացնել» զինվորական կոմիսարիատների բեռը։ Բացատրական գրառման մեջ նշվում է, որ նոր օրենքը հավասարաչափ կբաշխի աշխատանքային ծանրաբեռնվածությունը զորակոչային կենտրոնների միջև և կբարելավի զինվորական զորակոչի որակը։
Բացի այդ, երկրորդ ընթերցման ժամանակ օրինագծում փոփոխություններ են ներկայացվել։ Մասնավորապես, դրանցից մեկով առաջարկվում է զինվորական կոմիսարիատների կողմից տրված էլեկտրոնային ծանուցագրերի վավերականությունը սահմանափակել 30 օրով։
Թարգմանությունը՝ Էմմա Չոբանյանի
