27.06.2026 | 21:49
Վուչիչը հայտարարել է նախագահի պաշտոնում իր «վերջին օրերի» մասին
«Շատ լավ գիտենք՝ ինչ է տեղի ունենում, երբ սկսում եք մարդկանց մեղադրել կարծիքի համար»․ ԵԽ պատգամավոր․ ՏԵՍԱՆՅՈՒԹ
Քաղաքականություն
28.10.2025 | 16:00
Եվրանեսթ ԽՎ քաղաքական, մարդու իրավունքների և ժողովրդավարության հարցերի հանձնաժողովի նիստի ժամանակ եվրախորհրդարանի պատգամավոր Նաչո Սանչես Ամորը անդրադարձավ Հայաստանում վերջին շրջանում տեղի ունեցած ձերբակալություններին։
«Հայաստանը հավակնում է ԵՄ թեկնածու լինել, մենք պետք է լուծենք ներքին խնդիրները։ Թուրքիայի հետ սահմանը բացելու մասին չէ խոսքը, այլ այն, ինչ տեղի է ունենում ՀՀ քաղաքներում։ Չեմ եկել ձեզ դատելու համար, բայց 20, 30, 40․․․չգիտեմ։ Ոստիկանները մարդկանց ձերբակալում են։ Եթե, օրինակ, կաշառքի համար է, այլ է, բայց երբ կարծիքի համար են դատում, սոցցանցերում հայտնած կարծիքի համար, ուշադիր, զգույշ եղեք, որովհետև մենք շատ լավ գիտենք՝ ինչ է տեղի ունենում, երբ դուք սկսում եք մեղադրել և հետապնդել մարդկանց պարզապես սոցիալական ցանցերում ինչ-որ բան գրելու համար։ Սա արդեն մեթոդ է դարձել»,-նշեց պատգամավորը։
Սանչես Ամորն ընդգծեց՝ ժողովրդավարության մեջ մեկ անձի անգամ չի կարելի բանտարկել իր կարծիքի համար․
«Հայկական իշխանությունները պետք է ուշադիր լինեն այս հարցերին, եթե դուք հավակնում եք ԵՄ թեկնածու երկիր լինել։ Դուք չպետք է հարյուրավոր ոստիկանների ուղարկեք։ Խորհրդային իրավական համակարգից շատ մեծ ժառանգություն կա։ Մեղադրենք, ուղարկենք բանտ, կալանավորենք, հետո կտեսնենք՝ ինչ տեղի կունենա»։
Մանրամասները՝ տեսանյութում։
Եվգենյա Համբարձումյան
