Քաղաքականություն
28.10.2025 | 15:30«Դիտարկվող ժամանակահատվածում՝ այս չորս ամիսների ընթացքում, որևէ արտառոց իրավիճակ կառավարման, մենեջմենթի կամ տեխնիկական սպասարկման առումով, ՀԾԿՀ-ն չի արձանագրել։ Դա արտացոլում է նաև իրական պատկերը»,- այս մասին ԱԺ մշտական հանձնաժողովների համատեղ նիստում հայտարարեց Հանրային ծառայությունները կարգավորող հանձնաժողովի նախագահ Մեսրոպ Մեսրոպյանը։
Նա ընդգծեց, որ ՀԷՑ-ը հանրային կառավարման չի անցել, նշանակվել է ժամանակավոր կառավարիչ։
Մեսրոպ Մեսրոպյանը նաև նշեց, որ ՀԷՑ-ի մասով վարույթն ընթացքի մեջ է, ուստի, այլ մանրամասներ չներկայացրեց։
Հիշեցնենք, որ ԱԺ-ն ընդունել է «Հանրային ծառայությունները կարգավորող մարմնի մասին» և «Էներգետիկայի մասին» օրենքներում լրացումներ և փոփոխություն կատարելու մասին նախագծերի փաթեթը, որը վերաբերում է ՀԷՑ-ը պետականացնելուն։
Մանրամասները՝ տեսանյութում։
Մանյա Պողոսյան
