12.01.2026 | 16:16
ՖԱՖ-ն ամփոփել է տարին, Էդուարդ Սպերցյանը մրցանակի է արժանացել
Նման հանձնարարական չկա․ ՊԵԿ նախագահը՝ ամեն գնով բյուջեն լցնելու մեղադրանքների մասին․ ՏԵՍԱՆՅՈՒԹ
Քաղաքականություն
28.10.2025 | 15:09
«Ամենայն պատասխանատվությամբ ամենաբարձր ամբիոնից հնչեցնում եմ, որ պետական եկամուտների կոմիտեն տնտեսավարողներին անհիմն տուգանելու միջոցով պետբյուջե լցնելու որևէ պլան ու հանձնարարական երբևէ չի տվել հարկային ծառայողներին»,- այս մասին ԱԺ մշտական հանձաժողովների նիստում «ՀՀ 2026 թ. պետական բյուջեի մասին» օրենքի նախագծի քննարկման ժամանակ հավաստիացրեց ՊԵԿ նախագահ Էդուրադ Հակոբյանը՝ անդրադառնակով «ամեն գնով բյուջեն լցնելու» մեղադրանքներին։
«ՊԵԿ նախագահի անունով էլեկտրոնային փոստ ենք բացել, որին քաղաքացին կարող է նամակ գրել, ցանկության դեպքում նույնիսկ անանուն գրել: Պատրաստ ենք համագործակցել ցանկացածի հետ և պատասխանատվության ենթարկել նման իրավիճակներում»,- նշեց նա։
ՊԵԿ նախագահի խոսքով 2025 թվականին ակնկալում են 2 տրիլիոն 690 մլրդ դրամի հարկային մուտքեր, ինչը 300 մլրդ դրամով ավելի է 2024 թվականի ցուցանիշից:
Խոսելով հարկեր-ՀՆԱ հարաբերակցության ցուցանիշից՝ նա ընդգծեց, որ այս տարի էական բարելավում է լինելու՝ գերազանցելով նույնիսկ 2023 թվականի արդյունքները՝ հասնելով 24,5 տոկոսի: Հակոբյանը նաև հավելեց, որ բարելավման միտումները կպահպանվեն նաև 2026 թվականին:
Մանրամասները՝ տեսանյութում։
Մանյա Պողոսյան
