12.01.2026 | 20:15
Կքննարկվի Սոլովյովին ՀՀ պատվո շքանշանից զրկելը․ հարգալից էր, քանի հայերը սպասարկում էին ՌԴ շահը. ՏԵՍԱՆՅՈՒԹ
Ռուս զինվորներն Ուկրաինայում մարդկության դեմ հանցագործություններ են կատարում․ ՄԱԿ-ի հանձնաժողով
Քաղաքականություն
28.10.2025 | 13:13
Ռուսական անօդաչու թռչող սարքերը պարբերաբար հարձակվում են Ուկրաինայի խաղաղ բնակիչների վրա, դրանց հարվածները պատճառում են մահեր, վիրավորումներ և մեծածավալ ավերածություններ։ Այս մասին ասվում է Ուկրաինայի հարցով ՄԱԿ-ի հետաքննող հանձնաժողովի զեկույցում։ Այն ներկայացվել է ՄԱԿ-ի Գլխավոր վեհաժողովի Երրորդ կոմիտեին, որը մասնագիտանում է սոցիալական, մարդասիրական և մշակութային հարցերում, գրում է BBC-ի ռուսական ծառայությունը
Նման հարձակումները կանոնավոր և համակարգված են, պնդում են զեկույցի հեղինակները։ Դրանք թիրախավորում են անհատներին, մասնավոր տները, մարդասիրական օգնության բաշխման կետերը, ինչպես նաև շտապօգնության անձնակազմին և հրշեջներին, որոնց, զինված հակամարտության ժամանակ միջազգային մարդասիրական իրավունքի համաձայն, շնորհվում է հատուկ կարգավիճակ։
Ռուս զինվորականների գործողությունները մարդկության դեմ ուղղված երկու տեսակի հանցագործություններ են պարունակում՝ բնակչության սպանություն և բռնի տեղահանում, ինչպես նաև քաղաքացիական անձանց տեղահանում ռուսական ուժերի կողմից օկուպացված տարածքներից, որի ընթացքում տեղահանված անձանցից որոշները ենթարկվել են խոշտանգումների՝ խախտելով մարդու հիմնարար իրավունքները։
Նշվում է, որ այս եզրակացությունները հիմնված են հրապարակային հանցագործությունների շուրջ 500 տեսանյութերի վերլուծության վրա, որոնցից 247-ը տեխնիկապես ստուգվել են նկարահանման վայրի մասով, ինչպես նաև Ուկրաինայի քաղաքացիների հետ 226 հարցազրույցների։
Հանձնաժողովը նաև ուսումնասիրել է Մոսկվայի պնդումները Ռուսաստանի կողմից օկուպացված տարածքներում քաղաքացիական թիրախների վրա ուկրաինական անօդաչու թռչող սարքերի հարձակումների մասին, սակայն չի կարողացել որևէ եզրակացություն անել՝ տարածք մուտք գործելու հնարավորության բացակայության, վկաների անվտանգության վերաբերյալ մտահոգությունների և ռուսական իշխանությունների կողմից պատասխանի բացակայության պատճառով։
Թարգմանությունը՝ Էմմա Չոբանյանի
