11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
«Լուկօյլ»-ը հայտարարել է իր արտասահմանյան ակտիվները վաճառելու մասին՝ ԱՄՆ-ի պատժամիջոցների պատճառով
Քաղաքականություն
28.10.2025 | 14:07
ՌԴ նավթային «Լուկօյլ» ընկերությունը հայտարարել է իր արտասահմանյան ակտիվները վաճառելու մտադրության մասին՝ այն բանից հետո, երբ անցյալ շաբաթ կորպորացիան հայտնվեց ԱՄՆ պատժամիջոցների տակ։ Այս մասին ասվում է ընկերության մամուլի հաղորդագրության մեջ, գրում է The Insider-ը։
««Լուկօյլ» ԲԲԸ-ն հայտարարում է, որ մի շարք երկրների կողմից ընկերության և դրա դուստր ձեռնարկությունների նկատմամբ սահմանափակող միջոցառումների կիրառման պատճառով ընկերությունը հայտարարում է իր արտասահմանյան ակտիվները վաճառելու մտադրության մասին: Սկսվել է պոտենցիալ գնորդներից ստացված դիմումների դիտարկումը: Ակտիվների վաճառքն իրականացվում է OFAC-ի կողմից սահմանված լիցենզիայի ժամկետի ավարտի համաձայն: Անհրաժեշտության դեպքում՝ ընկերությունը նախատեսում է դիմել լիցենզիայի երկարաձգման համար՝ իր արտասահմանյան ակտիվների անխափան գործունեությունն ապահովելու համար»,- ասվում է հայտարարության մեջ:
Անցյալ շաբաթ «Լուկօյլը»-ն ու «Ռոսնեֆտ»-ը ենթարկվել էին ԱՄՆ-ի կողմից պատժամիջոցների: Ավելի վաղ՝ հոկտեմբերի 15-ին, ընկերությունները ներառվել էին Մեծ Բրիտանիայի պատժամիջոցների ցանկում:
ԱՄՆ-ի պատժամիջոցների համաձայն՝ ցանկացած կազմակերպություն, որը տիրապետում է այս ընկերությունների ակտիվների առնվազն 50%-ին, նույնիսկ եթե ներառված չէ պատժամիջոցների ցանկում, նույնպես ենթակա է սահմանափակումների:
Թարգմանությունը՝ Էմմա Չոբանյանի
