31.10.2026 | 22:55
Հայտնաբերվել է զինծառայողի դի. ՊՆ
2026-ին Էկոնոմիկայի և ԲՏԱ նախարարությունների բյուջեները կպակասեն․ ՏԵՍԱՆՅՈՒԹ
Տնտեսություն
28.10.2025 | 11:33
«Էկոնոմիկայի նախարարությանը 2026 թվականին նախատեսված է հատկացնել 74 մլրդ 514 մլն դրամ, որը 5 մլրդ դրամով պակաս է ընթացիկ տարվա հաստատված հատկացումից: Բարձր տեխնոլոգիական արդյունաբերության նախարարությանն առաջարկվում է հատկացնել 37 մլրդ 352 մլն դրամ, որը 10 մլրդ դրամ 157 մլն դրամով պակաս է այս տարվա բյուջետային հատկացումից»,- այս մասին Ազգային ժողովի մշտական հանձնաժողովների բյուջետային համատեղ նիստում «ՀՀ 2026 թ. պետական բյուջեի մասին» օրենքի նախագծի քննարկման ընթացքում տեղեկացրեց ֆինանսների նախարար Վահե Հովհաննիսյանը:
Ի տարբերություն այս նախարարությունների եկող տարվա բյուջով ավելի շատ գումար կհատկացվի Տարածքային կառավարման և ենթակառուցվածքների նախարարությանը։
«Տարածքային կառավարման և ենթակառուցվածքների նախարարությանը նախատեսվում է հատկացնել 325 մլրդ 95 մլն դրամ, որը 36 մլն դրամով ավելի է ընթացիկ տարվա հատկացումից: Հանրային ծառայությունները կարգավորող հանձնաժողովին նախատեսվում է հատկացնել 1 մլրդ 249 մլն դրամ, որը 86 մլն դրամով ավելի է այս տարվա հատկացումից»,- ներկայացրեց նախարարը։
Մանրամասերը՝ տեսանյութում։
Մանյա Պողոսյան
