11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Սախալինում էլեկտրաէներգիայի զանգվածային անջատում է տեղի ունեցել
Քաղաքականություն
28.10.2025 | 13:41
ՌԴ Սախալինի մի մասը հոկտեմբերի 28-ին մնացել է առանց էլեկտրականության։ Նահանգապետ Վալերի Լիմարենկոյի խոսքով՝ «արտակարգ իրավիճակն առաջացել է Յուժնո-Սախալինսկում երկու հիմնական ենթակայանները միացնող էլեկտրագծի վրա հողանցման լարի կոտրվելու պատճառով», գրում է Meduza-ն։
Լիմարենկոն նշել է, որ կայծակնահարիչն ընկել է էլեկտրահաղորդման գծերի վրա, «ինչը հանգեցրել է ավտոմատ պաշտպանության համակարգերի անջատմանը, որի արդյունքում էլեկտրացանցը անջատվել է»։
Վթարի մասին առաջին հաղորդագրությունները հայտնվել են տեղական ժամանակով 8:00-ին: Չորս ժամ անց Սախալինի մարզի ղեկավարը հայտարարել է, որ էլեկտրաէներգիան վերականգնվել է սպառողների 70%-ի համար:
«Ժամը 16:00-ի դրությամբ՝ էլեկտրաէներգիան լիովին վերականգնվել է»,- հայտարարել է «Սախալիներգո»-ն:
Թարգմանությունը՝ Էմմա Չոբանյանի
