05.12.2025 | 21:26
Բաքվում հորդառատ անձրևները հեղեղումներ են առաջացրել. ՏԵՍԱՆՅՈՒԹ
Ինչու այգին չի խնամվել․ ով է պատասխանատու Կոմիտասի անվան պուրակի չորացած ծառերի համար․ ՏԵՍԱՆՅՈՒԹ
Հասարակություն
24.10.2025 | 19:45
Չորացած ծառերի հեռացում, վնասվածների էտում, հողի փխրեցում և հողախառնուրդի ավելացում․ Կոմիտասի անվան պետական կոնսերվատորիային հարող պուրակում սանիտարական մաքրման աշխատանքներ են։ Երկուշաբթի գործակարգավարական նիստին քաղաքապետ Տիգրան Ավինյանը հայտնեց, որ այգին անցել է քաղաքապետարանի վերահսկողության ներքո։ Կառույցից հայտնում են՝ այգում հաշվառվել և հատվել է ամբողջովին չոր 12 ծառ, որոնց մեջ եղել են թանկարժեք սոսիներ և հացենիներ։
Քաղաքապետարանից հայտնում են՝ եթե կառույցնն ամռանը ծառերը չջրեր, այգին հնարավոր չէր լինի փրկել։ Ավագանու «Ազգային առաջընթաց» խմբակցության անդամ Քրիստինե Վարդանյանը հակադարձում է՝ պուրակը 2022 թվականից հետո ինքնահոսի է թողնվել։ Նրա խոսքով` 2020-ին այն ժամանակ քաղաքապետ Հայկ Մարությանը հանձնարարել էր համայնքին շարունակել ծառերի խնամքը՝ անկախ վարձակալի հետ խնդիրներից։ Այգին խնամելու՝ համայնքի նախաձեռնության մասին հրապարակում կա անգամ «Կանաչապատում և շրջակա միջավայրի պահպանություն» ՀՈԱԿ-ի էջում։
Կոմիտասի անվան պուրակի կանաչ տարածքները վարձակալությամբ դեռևս 2015 թվականին տրամադրվել էին «Պայծառ երազ» ընկերությանը։ Պայմանագրի ժամկետը պետք է լրանար 2029-ին: Վարձակալը պարտավոր էր ապահովել տարածքի մաքրման, բարեկարգման և կանաչապատման աշխատանքները: 2022-ից, սակայն, քաղաքապետարանն այգին համայնքին վերադարձնելու հարցով դատական գործընթացներ սկսեց, որը հասավ մինչև Վճռաբեկ դատարան։
Որքան վնաս է կրել պետությունը վարձակալի կողմից իր պարտավորությունները չկատարելու հետևանքով, արդյո՞ք ընկերությունը պատասխանատվության կենթարկվի այգին անուշադրության մատնելու համար։
Պուրակը երբևէ չի ունեցել նաև ոռոգման համակարգ։ Այս պահին տարածքում ոռոգման ցանցի նախագծում է իրականացվում։ Քաղաքապետարանից վստահեցնում են՝ գարնանն այգին ամբողջովին նոր տեսք կունենա։
Մանրամասները՝ տեսանյութում։
Անի Թամրազյան
