29.01.2026 | 18:13
Խոշոր հրդեհ Շերամի փողոցում // Երկաթգծի կառուցման հարցով ՀՀ-ն Ռուսաստանին է դիմել․ ԼՈՒՐԵՐ
Ավինյանը չափազանցնում է Երևանի եկամուտների տվյալները
Տնտեսություն
24.10.2025 | 20:50
Երևանի քաղաքապետ Տիգրան Ավինյանը կառավարության երեկվա նիստից հետո արել է հայտարարություն, որը չի համապատասխանում իրականությանը, չափազանցված է։
«Երևանը իր սեփական եկամուտները վերջին 3 տարիների ընթացքում փաստացի եռապատկել է»,- հայտարարել է Ավինյանը։
Սա, սակայն, չի համապատասխանում հենց քաղաքապետարանի բյուջետային հաշվետվությանը, որը հրապարակված է e-draft.am կայքում։
Մասնավորապես, այնտեղ տեղադրված գրաֆիկից երևում է, որ 2021 թվականին Երևանի սեփական եկամուտները կազմել են 30 միլիարդ 611 միլիոն դրամ։ Դրանից 3 տարի անց՝ 2024-ին, սեփական եկամուտները կազմել են 71 միլիարդ 200 միլիոն դոլար։ Աճը ոչ թե 3 անգամ է, այլ 2,3 անգամ։ Եվ խոսքը միլիարդավոր դրամների մասին է։
Գարիկ Հարությունյան
