11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Էրդողանը հայտարարել է ՌԴ-ԱՄՆ գագաթնաժողովը Թուրքիայում հյուրընկալելու պատրաստակամության մասին
Քաղաքականություն
24.10.2025 | 21:03
Թուրքիայի նախագահ Ռեջեփ Թայիփ Էրդողանը հայտարարել է, որ իր երկիրը պատրաստ է Ստամբուլում հյուրընկալել Ռուսաստան-ԱՄՆ հնարավոր գագաթնաժողովը։
«Եվս մեկ անգամ բացահայտվել է Թուրքիայի և Ստամբուլի կարևորությունը խաղաղության տեսլականում։ Մենք պատրաստ ենք ցանկացած պահի հյուրընկալել նման հանդիպում։ Ես կցանկանայի, որ Բուդապեշտում հանդիպումն անցկացվեր։ Մենք հավատում ենք, որ ցանկացած երկխոսություն օգտակար կլինի այս պատերազմի ավարտի համար։ Մենք սկզբից ի վեր պաշտպանել ենք դա, աշխատել ենք դրա համար և հայտարարել, որ արդար խաղաղությունը հնարավոր է»,- ասել է Էրդողանը Քուվեյթ, Կատար և Օման կատարած եռօրյա այցից հետո ինքնաթիռում լրագրողների հետ զրույցում։
Նա ընդգծել է, որ լավ հարաբերություններ ունեն երկու կողմերի հետ էլ և այն երկիրն են, որն արժանացել է երկուսի վստահությանը։
«Սա մեզ առավելություն է տալիս խաղաղության ճանապարհին, և մենք վճռականորեն տրամադրված ենք օգտագործել այս իրավիճակը մարդկության բարօրության համար»,- նշել է Թուրքիայի նախագահը։
Հոկտեմբերի 16-ին Թրամփը և Պուտինը հեռախոսազրույց էին ունեցել, որից հետո ԱՄՆ նախագահը հայտարարել էր, որ Բուդապեշտում կհանդիպի Ռուսաստանի առաջնորդի հետ։ Սակայն հոկտեմբերի 23-ին Թրամփը հայտարարեց, որ չեղարկում է հանդիպումը։
Պուտինն իր հերթին լրագրողներին ասել է, որ Թրամփն «ավելի շուտ խոսել է հանդիպումը հետաձգելու», այլ ոչ թե այն չեղարկելու մասին։
Թարգմանությունը՝ Էմմա Չոբանյանի
