08.06.2026 | 11:21
Թավշյա հեղափոխության ոգին կենդանի է․ Ուրսուլա ֆոն դեր Լեյենը հայերենով շնորհավորել է Փաշինյանին
Պուտինը հեռախոսազրույց է ունեցել Ալիևի հետ
Քաղաքականություն
24.10.2025 | 14:58
Ռուսաստանի նախագահ Վլադիմիր Պուտինը հեռախոսազրույց է ունեցել Ադրբեջանի նախագահ Իլհամ Ալիևի հետ։ Զրույցը դարձել է հոկտեմբերի 9-ին ԱՊՀ գագաթնաժողովի շրջանակում կայացած զրույցի շարունակությունը։ Այս մասին հաղորդում է Կրեմլի մամուլի ծառայությունը, գրում է ՏԱՍՍ-ը։
Պուտինը և Ալիևը քննարկել են միջազգային և տարածաշրջանային իրավիճակին վերաբերող մի շարք հարցեր: Կրեմլի հաղորդագրության համաձայն՝ պետությունների ղեկավարները համաձայնել են շարունակել շփումները տարբեր մակարդակներում: Հեռախոսազրույցի ընթացքում Ռուսաստանի և Ադրբեջանի նախագահները վերահաստատել են նաև իրենց հանձնառությունը՝ շարունակելու առևտրատնտեսական կապերը և տարբեր ոլորտներում համատեղ նախագծերը։
«Քննարկվել են երկկողմ օրակարգի մի շարք ակտուալ հարցեր»,- ասվում է հաղորդագրությունում։
Ադրբեջանական լրատվամիջոցների հաղորդմամբ՝ Պուտինն է զանգահարել Ալիևին։
Նշվում է, որ պետությունների ղեկավարները հաստատել են իրենց փոխադարձ շահագրգռվածությունը առևտրատնտեսական հարաբերությունների հետագա զարգացման, ինչպես նաև էներգետիկայի և տրանսպորտի ու լոգիստիկայի ոլորտներում համատեղ նախագծերի իրականացման հարցում։
Հեռախոսազրույցի ընթացքում անդրադարձ է կատարվել տարածաշրջանային համագործակցության և միջազգային իրավիճակի մի շարք ասպեկտների։
Թարգմանությունը՝ Էմմա Չոբանյանի
