11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Եղել ենք ընդդիմություն, տապալել ենք ձեզ՝ ձեր պետական ռեսուրսներով, ԱԱԾ-ներով․ Սիմոնյան. ՏԵՍԱՆՅՈՒԹ
Քաղաքականություն
24.10.2025 | 12:20
Դուք վերացող տեսակ եք։ Ազգային ժողովի նիստում դիմելով ընդդիմությանը՝ հայտարարեց խորհրդարանի խոսնակ Ալեն Սիմոնյանը։
«Մենք եղել ենք ընդդիմություն, տապալել ենք ձեզ բոլորիդ՝ ձեր պետական ռեսուրսներով, հեռուստաալիքներով, ԱԱԾ-ներով, ոստիկանական զորքերով, մարդկանց վրա կրակելով, մարդկանց բանտեր նետելով. տապալել ենք ձեզ»,- հայտարարեց Սիմոնյանը։
Նա ասաց՝ ԱԺ նախագահը հայտարարեց, որ Ռոբերտ Քոչարյանը, ՀՅԴ-ն, ՀՀԿ-ից «որոշ տարրեր, որոնց անունը Սերժ Սարգսյանը լավ գիտի», աջակցեցին հեղափոխությանը։
«Դուք Սերժ Սարգսյանին չօգնեցիք, դուք պետք ա սատար կանգնեիք նրան, բայց Սերժ Սարգսյանին չպաշտպանեցիք, ո´չ Ռոբերտ Քոչարյանի թիմը, ո´չ Դաշնակցությունը, նույնիսկ Հանրապետական կուսակցության որոշ տարրեր էդ օրերին, Սերժ Սարգսյանին, Ես որպես հակառակորդ եմ դա ասում, չպաշտպանեցին, որովհետև Ռոբերտ Քոչարյանն ուզում էր պատժել Սերժ Սարգսյանին` ցույց տալով, որ նա էդքան չկա, որքան ինքը, և պետք է կախվածության մեջ լինի, որոշ ՀՀԿ-ականներ մտածում էին, որ արանքը կարող են ճղել և էդ շարժման շնորհիվ իրենք դառնան վարչապետ»,- հավելեց Ալեն Սիմոնյանը։
Մանրամասները՝ տեսանյութում։
Մանյա Պողոսյան
