06.12.2025 | 16:13
Հայաստանի հասարակությունը պատրաստ է Ադրբեջանի հետ խաղաղությանը. Արմեն Գրիգորյան
ՌԴ-ն և Ուկրաինան զոհված զինծառայողների մարմիններ են փոխանակել
Քաղաքականություն
23.10.2025 | 17:34
Ռուսաստանը 1000 զոհված զինծառայողի մարմին է վերադարձրել Ուկրաինային։ Այս մասին հայտնում է Ուկրաինայի ռազմագերիների հետ վերաբերմունքի համակարգող շտաբը, փոխանցում է Meduza-ն։
«Ռուսական կողմի տվյալներով՝ մարմինները պատկանում են ուկրաինացի զինծառայողներին։ Իրավապահ մարմինների քննիչները, Ներքին գործերի նախարարության փորձագիտական հաստատությունների հետ համատեղ, շուտով կանցկացնեն բոլոր անհրաժեշտ փորձաքննությունները և կնույնականացնեն հայրենադարձված մարմինները»,- ասվում է գերատեսչության հայտարարության մեջ։
Ռազմագերիների հետ հարցերով խորհրդարանական համակարգող խմբի ներկայացուցիչ, ՌԴ Պետդումայի պատգամավոր Շամսաիլ Սարալիևն իր հերթին ՌԲԿ-ին ասել է, որ հայրենադարձման գործընթացի շրջանակում ռուսական կողմին զոհված զինծառայողի 31 մարմին է վերադարձվել։
Կառավարամետ Shot տելեգրամ ալիքի փոխանցմամբ՝ փոխանակումը տեղի է ունեցել Բրյանսկի մարզում։
2025 թվականի մայիսին Ռուսաստանի և Ուկրաինայի պատվիրակությունները գրեթե երեք տարվա ընթացքում առաջին անգամ ուղիղ բանակցություններ էին անցկացրել Ստամբուլում։ Այս բանակցություններից հետո կողմերը համաձայնել էին փոխանակել 18-ից 25 տարեկան ծանր վիրավոր զինվորների և գերիների, ինչպես նաև փոխանցել զոհվածների մարմինները։ Այդ ժամանակից ի վեր Մոսկվան և Կիևը գերիների ավելի քան 20 փոխանակում են իրականացրել։
Վերջին անգամ կողմերը զոհվածների մարմիններ են փոխանակել սեպտեմբերի 18-ին. Ուկրաինային վերադարձվել է 1000 զոհված մարմին, իսկ Ռուսաստանին՝ 24։
Թարգմանությունը՝ Էմմա Չոբանյանի
