03.10.2026 | 15:39
Բացահայտվել է Flydubai-ի չվերթում երկրորդ օդաչուին դանակահարած օդաչուի ինքնությունը
Գերմանիայի ոստիկանությունը սխալմամբ կրակել է Բունդեսվերի զինվորին զորավարժությունների ժամանակ
Քաղաքականություն
23.10.2025 | 18:56
Գերմանիայում ոստիկանությունը սխալմամբ վիրավորել է Բունդեսվերի զինվորին, գրում է DW-ի ռուսական ծառայությունը:
Նշվում է, որ ոստիկանությունն արձագանքել է կանչին, սակայն տեղյակ չի եղել, որ վարժանքներ են ընթանում: Բավարիայի Էրդինգ քաղաքում Բունդեսվերի զորավարժություններ են անցկացվել, սակայն տեղի բնակիչները, տեսնելով զինված և դիմակավորված տղամարդկանց, զանգահարել են ոստիկանություն, հաղորդում է Bild-ը։
Զինվորները ոստիկաններին շփոթել են վարժանքների մասնակիցների հետ և սկսել են կրակել դատարկ փամփուշտներով։ Վարժանքներից անտեղյակ ոստիկաններն էլ պատասխանել է կրակոցներով, սակայն մարտական փամփուշտներով։ Մեկ զինվոր վիրավորվել է և հոսպիտալացվել։
Բունդեսվերից հայտնել են, որ նախապես ազդարարել են զորավարժությունների մասին: «Մարշալ Փաուեր» զորավարժությունների շրջանակում զինծառայողները, քաղաքացիական փրկարարների, ոստիկանության և հրշեջների հետ միասին, արտակարգ իրավիճակներում մարզվում են ոչ թե ցանկապատված զորավարժարաններում, այլ սովորական փողոցներում և հասարակական վայրերում:
Թարգմանությունը՝ Էմմա Չոբանյանի
