11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Հայտնի է, թե երբ կհրապարակվեն Ադրբեջանական ավիաուղիների օդանավի վթարի հետաքննության արդյունքները
Քաղաքականություն
22.10.2025 | 21:12
Ղազախստանի Ակտաու քաղաքի մերձակայքում վթարի ենթարկված ադրբեջանական AZAL-ի Embraer-190 օդանավի վթարի հետաքննության արդյունքները կարող են հրապարակվել Ամանորից հետո։ Ադրբեջանական լրատվամիջոցների հաղորդմամբ՝ այս մասին հայտարարել է Ղազախստանի փոխվարչապետ Կանատ Բոզումբաևը, որը գլխավորում է ողբերգությունը հետաքննող պետական հանձնաժողովը։
«Հետաքննության համար նորմատիվ ժամկետը շուրջ մեկ տարի է, գուցե, մի փոքր ավելի երկար։ Աշխատանքները շարունակվում են»,- խորհրդարանում ասել է Բոզումբաևը։
Օգոստոսի սկզբին Բոզումբաևը հայտարարել էր, որ Ղազախստանը մի քանի ամսից կներկայացնի «Ադրբեջանական ավիաուղիներ»-ի օդանավի վթարի վերաբերյալ վերջնական զեկույցը։ Միևնույն ժամանակ, պաշտոնյան հայտնել է, որ օդանավի ավիոնիկայի մոդուլն ուղարկվել է Միացյալ Նահանգներ՝ ուսումնասիրության։
2024 թվականի դեկտեմբերի 25-ին Ղազախստանի Ակտաու քաղաքի մոտակայքում վթարի էր ենթարկվել «Ադրբեջանական ավիաուղիների»՝ AZAL-ի J2-8243 չվերթի Embraer 190AR ուղևորատար օդանավը։ Դրանում եղել է 67 մարդ՝ 62 ուղևոր և անձնակազմի 5 անդամ։ Վթարի հետևանքով զոհվել է 38 մարդ, 29-ը՝ ողջ մնացել։ Աղետի պատճառը, ըստ ադրբեջանական կողմի, ռուսական հակաօդային հրթիռային հարվածն է եղել։
Հիշեցնենք, որ Դուշանբեում Ադրբեջանի նախագահ Իլհամ Ալիևի հետ հանդիպմանը ՌԴ նախագահ Վլադիմիր Պուտինը AZAL-ի օդանավի կործանումը կապել էր երկնքում ուկրաինական ԱԹՍ-ների առկայության հետ։
Թարգմանությունը՝ Էմմա Չոբանյանի
