Հասարակություն
21.10.2025 | 12:43«Սիրելի հայրենակիցներ, վստահաբար տեղյակ եք, որ պաշտպանության նախարարը խորհրդարանական գործընկերների հետ քննարկումների արդյունքում օրենսդրական նախաձեռնություն է դրել շրջանառության մեջ, որով առաջարկում է ՀՀ-ում ժամկետային զինվորական ծառայության ժամկետը 2 տարվա փոխարեն սահմանել 1,5 տարի»,- այս մասին ֆեյսբուքյան իր էջում հրապարակված տեսանյութում ասում է վարչապետ Նիկոլ Փաշինյանը։
«Ի սկզբանե նախատեսված էր, որ այս կարգավորումը ուժի մեջ մտնի 2026 թվականի ամառային զորակոչին, բայց այսօր պաշտպանության նախարարի հետ քննարկում եմ ունեցել և որոշել ենք, որ օրենքն ավելի շուտ ուժի մեջ մտնի, 2026 թվականի հունվարի 1-ից։ Այսինքն, 2026 թվականի ձմեռային զորակոչից ՀՀ-ում ժամկետային զորակոչը 2 տարվա փոխարեն կլինի 1,5 տարի»,-նշել է Փաշինյանը և բարի ծառայություն մաղթել զինվորներին։
