01.04.2026 | 20:58
Ապօրինի ջրառ՝ գազալցակայաններում և ջերմոցում. ԲԸՏՄ-ն կասեցրել է ապօրինի հորերի շահագործումը
ԻՊ-ի զինյալները Մոսկվայում ահաբեկչություններ են նախապատրաստել. ԱԴԾ-ն կանխել է
Քաղաքականություն
26.10.2018 | 20:35
ՌԴ Անվտանգության դաշնային ծառայությունը Մոսկվայում «Իսլամական պետություն» ահաբեկչական խմբավորման քողարկված բջիջ է բացահայտել: ՌԻԱ Նովոստիի փոխանցմամբ՝ այս մասին հայտնել է ԱԴԾ հասարակայնության հետ կապերի բաժինը:
Ուժայինները վեց զինյալի են ձերբակալել, որոնք ահաբեկչություններ են ծրագրել Մոսկվայում՝ հրազենի և ինքնաշեն պայթուցիկների կիրառմամբ: Խուզարկության ընթացքում ավտոմատ զենքեր, ահաբեկչությունների նախապատրաստման մասին հաշվետվություններ, ռումբ պատրաստելու ուղեցույցներ և գումար է առգրավվել:
Քրեական գործ է հարուցվել, քննչական և օպերատիվ-հետախուզական միջոցառումներ են իրականացվում:
Ավելի վաղ ՌԴ նախագահ Վլադիմիր Պուտինը հայտարարել էր 2018 թվականի 9 ամիսների ընթացքում 26 խոշոր հանցագործություն կանխելու մասին, որից 15-ը՝ ահաբեկչություն:
