20.12.2025 | 14:55
«Չեկիստի օրվա» առթիվ ԱԱԾ-ի դիմաց լյուստրացիայի պահանջով ակցիայի կազմակերպչին բերման են ենթարկել. ՏԵՍԱՆՅՈՒԹ
Վլադիմիր Պուտինին Վաշինգտոն են հրավիրել՝ Թրամփի հետ հանդիպման
Քաղաքականություն
26.10.2018 | 20:04
Միացյալ Նահանգները ՌԴ նախագահ Վլադիմիր Պուտինին Վաշինգտոն է հրավիրել՝ Դոնալդ Թրամփի հետ հանդիպման: Այս մասին հայտնել է ԱՄՆ նախագահի՝ ազգային անվտանգության հարցերով խորհրդական Ջոն Բոլթոնը, գրում է «Կոմերսանտը»: Հայտնի չէ, սակայն, արդյո՞ք Պուտինը պատասխանել է հրավերին:
Բոլթոնը նշել է, որ երկու պետությունների ղեկավարների առաջիկա հանդիպումը տեղի է ունենալու նոյեմբերի 11-ին Փարիզում, Առաջին աշխարհամարտի ավարտի 100-ամյակի առիթով նախատեսված միջոցառմանը: «Դա կարճատև հանդիպում է լինելու»,- ամերիկացի դիվանագետի խոսքերն է մեջբերում Reuters-ը:
Թբիլիսիում գտնվող Ջոն Բոլթոնը խոսել է նաև Ռուսաստանի դեմ ամերիկյան նոր պատժամիջոցների սահմանման հնարավորության մասին՝ նշելով, որ բոլոր անհրաժեշտ պատժամիջոցներն արդեն սահմանվել են, ընդ որում վերջինը՝ 4 ամիս առաջ, Սկրիպալների թունավորման գործով:
Հիշեցնենք, որ ավելի վաղ ԱՄՆ նախագահի խորհրդականը Երևանում էր, իսկ մինչ այդ այցելել էր Մոսկվա և Բաքու:
