07.12.2025 | 21:40
Վարդենյաց լեռնանցքում ձյուն է տեղում. Դիլիջանի, Սպիտակի ոլորաններում մառախուղ է
Սուրմալուի կայարանի տեխնիկատնտեսական ուսումնասիրության մրցույթը չի կայացել, վերահայտարարել ենք․ Անետա Բաբայան․ ՏԵՍԱՆՅՈՒԹ
Տեսանյութեր
20.10.2025 | 10:35
«Սուրմալուի կայարանի տեխնիկատնտեսական ուսումնասիրության մրցույթը չի կայացել, վերահայտարարել ենք»,- Երևանի քաղաքապետարանի գործակարգավարական խորհրդակցության ժամանակ ասաց «Երևանի կառուցապատման ներդրումային ծրագրերի իրականացման գրասենյակ» ՀՈԱԿ-ի տնօրենի ժամանակավոր պաշտոնակատար Անետա Բաբայանը։
Երևանի քաղաքապետարանը հուլիսի 26-ին հայտարարել էր բաց մրցույթ՝ մետրոյի «Սուրմալու» նոր կայարանի տեխնիկատնտեսական ուսումնասիրության և Քրիստափորի կամրջի վերականգնման համար։
«Հուլիսին հայտարարելուց հետո մրցույթը չի կայացել՝ մասնակիցներ չլինելու պատճառով։ Զուգահեռաբար արդեն պատրաստ է Սուրմալուի հարակից տարածքում քաղաքաշինական զարգացման հայեցակարգը և կայարանի էսքիզի կազմումը, առաջիկայում մրցույթ կհայտարարվի։ Դրան զուգահեռ ևս երկու մրցույթներ ենք պատրաստում, ժամանակին կզեկուցվի այդ մասին։ Այս բոլոր չորս մրցույթների արդյունքները մեզ հնարավորություն կտան մեկնարկել բանակցային գործընթացներ մասնավոր ներդրումների ներգրավման ուղղությամբ»,- ասաց Բաբայանը։
Մանրամասները՝ տեսանյութում։
