06.12.2025 | 23:56
Կապարակնքել են Գյումրիի Յոթ Վերք եկեղեցու դռները` Փաշինյանի այցից առաջ
Հայաստանը որդեգրել է միջուկային էներգիայի անվտանգ և խաղաղ օգտագործման թափանցիկ և բաց քաղաքականություն. ՀՀ պատվիրակությունը՝ ՄԱԿ-ում
Քաղաքականություն
18.10.2025 | 19:18
ՄԱԿ ԳԱ 80-րդ նստաշրջանի Առաջին կոմիտեի միջուկային զենքերի վերաբերյալ թեմատիկ քննարկման ժամանակ ՀՀ պատվիրակությունն ընդգծել է սպառազինությունների կրճատման և զինաթափման գործող ռեժիմների կարևորությունը: Այս մասին տեղեկացնում են ՄԱԿ-ում ՀՀ ներկայացուցչությունից։
«Պատվիրակությունը վերահաստատել է նաև ՀՀ հանձնառությունը՝ կատարելու Միջուկային զենքի չտարածման մասին պայմանագրով ստանձնած պարտավորությունները և կոչ արել պայմանագրին դեռևս չմիացած պետություններին միանալ պայմանագրին։ Պատվիրակությունը նաև ընդգծել է, որ Հայաստանը որդեգրել է միջուկային էներգիայի անվտանգ և խաղաղ օգտագործման թափանցիկ և բաց քաղաքականություն և կշարունակի հետապնդել այս քաղաքականությունը՝ ձեռնարկելով անհրաժեշտ միջոցներ՝ երկրի միջուկային անվտանգությունը բարելավելու և ամրապնդելու համար»,- ասված է հաղորդագրության մեջ:
