28.06.2026 | 23:31
Ո՞ւր են ընտրությունների արդյունքներից դժգոհ մարդիկ․ Գալյանը՝ Վարդևանյանին. ՏԵՍԱՆՅՈւԹ
Ռուսաստանը Tomahawk հրթիռների հնարավոր մատակարարումը Կիևին կընկալի որպես թշնամական քայլ․ Նարիշկին
Քաղաքականություն
17.10.2025 | 15:10
Ռուսաստանը Tomahawk հրթիռների հնարավոր մատակարարումն Ուկրաինային կընկալի որպես թշնամական քայլ: Այս մասին հայտարարել է ՌԴ արտաքին հետախուզության ծառայության տնօրեն Սերգեյ Նարիշկինը, գրում է ՌԻԱ Նովոստին։
«Եթե դա տեղի ունենա, Ռուսաստանը կընկալի որպես թշնամական քայլ։ Դա զգալիորեն կբարձրացնի անվտանգության ռիսկերը ոչ միայն Եվրոպայում, այլև ամբողջ աշխարհում»,- լրագրողներին ասել է Նարիշկինը Սամարղանդում ԱՊՀ հետախուզության ղեկավարների հանդիպումից հետո։
Հիշեցնենք, որ ավելի վաղ ՌԴ նախագահ Վլադիմիր Պուտինն ԱՄՆ նախագահ Դոնալդ Թրամփի հետ զրույցում ասել էր, որ Ուկրաինային Tomahawk հրթիռների մատակարարումը կվնասի երկկողմ հարաբերություններին։
Թարգմանությունը՝ Էմմա Չոբանյանի
