Պուտինը Թրամփի հետ զրույցում զգուշացրել է՝ Ուկրաինային Tomahawk հրթիռների մատակարարումը կվնասի երկկողմ հարաբերություններին․ Կրեմլ

Լուրեր

21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
Բոլորը

ԱՄՆ նախագահ Դոնալդ Թրամփի հետ հեռախոսազրույցում ՌԴ նախագահ Վլադիմիր Պուտինը բարձրացրել է Ուկրաինային Tomahawk  հրթիռներ մատակարարելու հարցը։ Այս մասին հայտնել է Ռուսաստանի  նախագահի օգնական Յուրի Ուշակովը, գրում է Meduza-ն։

«Վլադիմիր Պուտինը կրկնել է իր թեզը, որ Tomahawk-ները չեն փոխի մարտադաշտում իրավիճակը, բայց մեր երկրների միջև հարաբերություններին դրանց մատակարարումը զգալի վնաս կհասցնի՝ չխոսելով  արդեն խաղաղ կարգավորման հեռանկարների մասին»,- ասել է Ուշակովը։

Կրեմլի ներկայացուցչի խոսքով՝ Թրամփը պատասխանել է, որ Ուկրաինայի նախագահ Վլադիմիր Զելենսկիի հետ իր առաջիկա հանդիպման ժամանակ նա, «բնականաբար, հաշվի կառնի Ռուսաստանի նախագահի արտահայտած նկատառումները»։

Ուշակովը նաև հայտնել է, որ Թրամփի և Պուտինի միջև հեռախոսազրույցը տեղի է ունեցել Ռուսաստանի նախաձեռնությամբ։

Թրամփը Պուտինի հետ հեռախոսազրույցից հետո Սպիտակ տանը կայացած մամուլի ասուլիսում անդրադարձել է Tomahawk-ների թեմային:

«Մեզ ևս Tomahawk-ներ են պետք ԱՄՆ-ի համար։ Մենք շատ ունենք դրանցից, բայց մեզ դրանք պետք են։ Մենք չենք կարող սպառել մեր երկիրը։ Դրանք շատ կարևոր են, շատ հզոր են, շատ ճշգրիտ են։ Մեզ դրանք նույնպես պետք են։ Ես չգիտեմ, թե ինչ կարող ենք անել դրա հետ կապված»,- ասել է նա։

Թրամփն ասել է, որ հարցրել է Պուտինին Tomahawk-ների մասին. «Ես Պուտինին ասացի՝ «Դեմ չե՞ք, եթե ես ձեր հակառակորդներին մի քանի հազար Tomahawk տամ»։ Նրան դուր չեկավ այդ միտքը»։

Հոկտեմբերի 17-ին Դոնալդ Թրամփը Սպիտակ տանը պետք է հանդիպի Ուկրաինայի նախագահ Վլադիմիր Զելենսկիի հետ։ Ավելի վաղ ենթադրվում էր, որ նրանց զրույցի թեմաներից մեկը կլինի Կիևին այս հեռահար թևավոր հրթիռների մատակարարումը։

Ռուսաստանը բազմիցս հակամարտության սրացում է անվանել Tomahawk հրթիռների հնարավոր մատակարարումը, որոնք Ուկրաինան պատերազմի սկզբից ի վեր խնդրում է Միացյալ Նահանգներից։ Վլադիմիր Պուտինը հոկտեմբերի սկզբին հայտարարել էր, որ նման մատակարարումները «կփլուզեն» Մոսկվայի և Վաշինգտոնի հարաբերությունները։ Սակայն ռազմական փորձագետները կարծում են, որ Tomahawk հրթիռների մատակարարումներն էական ազդեցություն չեն ունենա մարտական ​​գործողությունների ընթացքի վրա։ Մասնագետների գնահատմամբ՝ Ուկրաինան ոչ ավելի, քան 50 նման հրթիռի հույս կարող է ունենալ։

Հավելենք, որ Պուտինի հետ զրույցից հետո Դոնալդ Թրամփը հայտարարել էր, որ նրանք համաձայնել են առաջիկայում անձնական հանդիպում անցկացնել Բուդապեշտում։

«Մենք պատրաստ ենք»,- X սոցիալական ցանցում գրել է Հունգարիայի վարչապետ Վիկտոր Օրբանը։

Թարգմանությունը՝ Էմմա Չոբանյանի