28.06.2026 | 22:27
Արման Թաթոյանի հրապարակած 2 ձայնագրությունների մասով վարույթ կա, մեղադրյալ չկա․ ՏԵՍԱՆՅՈւԹ
Պուտինի հետ հաջորդ հանդիպումը տեղի կունենա Հունգարիայում. Թրամփ
Քաղաքականություն
16.10.2025 | 21:25
ԱՄՆ նախագահ Դոնալդ Թրամփը հայտարարել է, որ Պուտինի հետ հաջորդ հանդիպումը տեղի կունենա Հունգարիայում։
«Զրույցի վերջում մենք համաձայնեցինք, որ հաջորդ շաբաթ տեղի կունենա բարձր մակարդակի խորհրդականների հանդիպում։ Նախագահ Պուտինը և ես այնուհետև կհանդիպենք համաձայնեցված վայրում ՝ Բուդապեշտում, Հունգարիա»,- գրել է ամերիկացի առաջնորդը Truth Social-ում։
Ուրբաթ՝ հոկտեմբերի 17-ին, Դոնալդ Թրամփը Սպիտակ տանը կհանդիպի Ուկրաինայի նախագահ Վլադիմիր Զելենսկիի հետ։ Նրանց զրույցի թեմաներից մեկը, ինչպես սպասվում է, կլինի Կիևին Tomahawk թևավոր հրթիռների մատակարարումը։
Հոկտեմբերի 12-ին Թրամփը հայտարարել էր, որ մտադիր է խոսել Ռուսաստանի նախագահի հետ, և որ եթե Վլադիմիր Պուտինը չհամաձայնվի առաջիկայում «կարգավորել պատերազմը», ԱՄՆ-ը կարող է Կիևին տրամադրել հեռահար հրթիռները։
Այդ ժամանակ երկու նախագահների միջև զրույցի վերաբերյալ համաձայնություն չկար, հաղորդել է Կրեմլը։ Մոսկվան Ուկրաինային հեռահար ամերիկյան հրթիռների հնարավոր տրամադրումը համարում է լուրջ սրացում։
